Binance UK-ის ხელმძღვანელმა თანამდებობა დატოვა
აშშ-სა და ევროპის ფინანსურ მარეგულირებლებთან დავის ფონზე, კრიპტოვალუტის ბირჟა Binance-ის დიდი ბრიტანეთის წარმომადგენლობის ხლმძღვანელმა ჯონათან ფარნელმა თანამდებობა დატოვა.
კორპორატიული დოკუმენტებისა და LinkedIn-ის ისტორიის მიხედვით, ჯონათან ფარნელი (Jonathan Farnell) Binance Markets Limited-ში ხელმძვანელის თანამდებობიდან გადადგა. მანამდე, ივნისში მან ხელმძღვანელის პოსტი Binance Europe-ში დატოვა.
„გვინდა ჯონათანს გაწეული ღვაწლისთვის მადლობა გადავუხადოთ და მომავალ პროექტში ყველაფერი საუკეთესო ვუსურვოთ.“ – განაცხადა Binance-ის წარმომადგენელმა.
ფარნელი ბირჟის გუნდს 2021 წელს შეუერთდა და თავდაპირველად ბირჟის მოთხოვნების შესრულებასთან დაკავშირებულ თანამდებობაზე აიყვანეს. მაგრამ, მოგვიანებით Binance UK-ის ხელმძღვანელად დააწინაურეს.
2022 წლის მარტში ფარნელმა Binance-ის მიერ ამოქმედებული Bifinity-ის საგადახდო სისტემის აღმასრულებელი დირექტორის თანამდებობა დაიკავა. ამავე დროს, ის Binance Markets Limited-ის დირექტორის პოსტს იკავებდა.
ფარნელი კიდევ ერთი ტოპ მენეჯერი გახდა, რომელმაც Binance დატოვა. მანამდე თანამდებობიდან Binance-ის პროდუქტისა და დიზაინის ხელმძღვანელი მაიურ კამატი (Mayur Kamat) წავიდა. უკანასკნელ პერიოდში თანამდებობიდან წასულებს შორის არიან Binance Asia Pacific-ის დირექტორი ლეონ ფონგი (Leon Foong), სტრატეგიის მთავარი ოფიცერი პატრიკ ჰილმანი (Patrick Hillman), იურიდიულ საკითხებში გენერალური მრჩეველი ჰონ ნგ (Hon Ng) და ბიზნესის მთავარი ოფიცერი იბო ლინგი (Yibo Ling).
ცოტა ხნის წინ კი ცნობილი გახდა, რომ თანამდებობას კრიპტოვალუტის ბირჟა Binance-ის ფრანგული განყოფილების აღმასრულებელი დირექტორი სტეფანი კაბოსიორასიც ტოვებს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)