Binance.US-მა თანამშრომლების მესამედი გაათავისუფლა

Binance.US-მა თანამშრომლების მესამედი გაათავისუფლა

კრიპტოვალუტის უმსხვილესი ბირჟა Binance-ის ამერიკულმა განყოფილებამ პერსონალის მასშტაბური შემცირების შესახებ გამოაცხადა – გათავისუფლებულია თანამშრომელთა მესამედი, მათ შორის აღმასრულებელი დირექტორი ბრაიან შროდერიც.

ბრაიან შროდერი (Brian Shroder) Binance.US-ის გუნდს 2021 წლის სექტემბერში შეუერთდა. მას კომპანიის პრეზიდენტისა და აღმასრულებელი დირექტორის პოზიციები ეკავა.

მანამდე შროდერი კომპანია Uber-ის ხელმძღვანელის პოსტს იკავებდა.

„დღეს მიღებული ზომები კომპანიის გადარჩენისა და კრიპტოვალუტის ბირჟის სტატუსით ჩვენი მომხმარებლების მომსახურების გაგრძელების შესაძლებლობას მოგვცემს. აშშ-ს ფასიანი ქაღალდებისა და ბირჟების კომისიის (SEC) მხრიდან ინდუსტრიისთვის ზიანის მიყენების მიზნით განხორციელებულმა აგრესიულმა ქმედებებმა, რეალურად გავლენა ამერიკაში სამუშაო ადგილებსა და ინოვაციებზე მოახდინა. ეს რეგულირების უკიდურესად სამწუხარო მაგალითია.“- აღნიშნეს Binance.US-ის წარმომადგენლებმა.

შეგახსენებთ, რომ ბირჟის ამერიკულმა წარმომადგენლობამ ზაფხულში პერსონალი უკვე შეამცირა.

Binance.US-ზე ვაჭრობის მოცულობა წელს არაერთხელ შემცირდა – თუ იანვარში ეს მაჩვენებელი 10,58 მილიარდ დოლარს აღწევდა, სექტემბრის პირველ კვირაში მხოლოდ 70 მილიონი დოლარი შეადგინა.

უფრო ადრე, ვრცელდებოდა ხმები Binance-ის ამერიკული განყოფილების შესაძლო დახურვის შესახებ. თუმცა, გლობალური პლატფორმის აღმასრულებელმა დირექტორმა ჩენპენ ჯაომ (Changpeng Zhao) ისინი უარყო.