Binance US მილიარდ დოლარად Voyager-ის აქტივებს გამოისყიდის
კრიპტოვალუტის ბირჟა Binance US-მა Voyager Digital-ს აქტივების გამოსყიდვისთვის საუკეთესო პირობები შესთავაზა . გარიგება 2023 წლის 18 აპრილამდე უნდა განხორციელდეს.
Binance-ის ამერიკულმა შვილობილმა კომპანიამ გაკოტრებული კრიპტო კრედიტორის აქტივების შესაძენად 1 მილიარდ დოლარზე მეტი ღირებულების ტენდერში გაიმარჯვა. Voyager-ის განცხადებით, Binance US-ის შეთავაზება აქამდე გაკეთებულ სხვა შეთავაზებებს შორის საუკეთესო იყო. მიუხედავად იმისა, რომ გარიგების ზუსტი თარიღი ჯერ დადგენილი არ არის, Binance-მა ბონუსის სახით 20 მილიონი დოლარის დამატება გადაწყვიტა.
კომპანიის მიერ მიღებული ნებისმიერი თანხა კრედიტორებისთვის ზარალის ანაზღაურებას მოხმარდება.
გავრცელებული ინფორმაციით, Binance US-ის განაცხადი, პლატფორმის შესაძლებლობების ფარგლებში, სასამართლოს მიერ დადგენილი ზარალის ოდენობის შესაბამისად, კლიენტებისთვის აქტივების დაბრუნებისკენ არის მიმართული.
Binance თავისი გადაწყვეტილების სერიოზულობის დასადასტურებლად 10 მილიონი დოლარის დეპოზიტის შეტანასა და Voyager-ისთვის 15 მილიონი დოლარის ოდენობის ხარჯების ანაზღაურებას დათანხმდა. იანვრის დასაწყისში გაკოტრების საქმეების მწარმოებელი სასამართლო გარიგების დასამტკიცებლად მოსმენებს გამართავს, ხოლო აპრილის შუა რიცხვებისთვის გარიგება უნდა შედგეს.
სექტემბრის ბოლოს Voyager Digital-მა კომპანიის გაყიდვიდან მიღებული შემოსავლების განაწილების ხარჯზე ზარალის კომპენსაციის გეგმა გამოაქვეყნა.
ფირმის იურიდიულმა მრჩეველმა ის გაკოტრების კომისიას დასამტკიცებლად წარუდგინა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)