ბიტკოინის ადრეული ინვესტორი და კრიპტოვალუტის ენთუზიასტი, ჩამატ პალიჰაპიტია, კალიფორნიის გუბერნატორის პოსტზე იყრის კენჭს. არჩევნები 2022 წელს გაიმართება.
თავისი განზრახვის შესახებ კომერციული ფირმის Social Capital გენერალურმა დირექტორმა, ჩამატ პალიჰაპიტიამ Twitter-ზე განაცხადა. განცხადებაში მითითებულია პალიჰაპიტიას საარჩევნო პროგრამის საიტზე გადასასვლელი ლინკი. მისი დაპირებებია: გადასახადების შემცირება, ხელფასების გაზრდა მასწავლებლებისთვის და საკრედიტო წნეხის შემსუბუქება სტუდენტებისთვის, ასევე კომპლექსური ზომების გატარება შობადობის სტიმულირებისთვის. ამასთან ერთად, კრიპტოვალუტის ენთუზიასტი გეგმავს შეუნარჩუნოს შტატს ტექნოლოგიური ცენტრის სტატუსი და დააფინანსოს სხვადასხვა ტექნოლოგიების განვითარება, მათ შორის ეკოლოგიის დარგში. უფრო დეტალური ინფორმაცია გუბერნატორობის კანდიდატის გეგმებზე არ მოიპოვება.
სავსებით შესაძლებელია ახალი გუბერნატორის არჩევნები ვადაზე ადრე ჩატარდეს – საზოგადოება უკმაყოფილოა მოქმედი გუბერნატორის – გევინ ნიუსომის – მართვით. ძალას იკრებს ნიუსომის მოწინააღმდეგეთა საზოგადოებრივი მოძრაობა, რომელთა მოთხოვნაა გუბერნატორის ვადამდელი არჩევნების დანიშვნა. პალიჰაპიტია ამ მოძრაობას შეუერთდა.
პალიჰაპიტიამ ბიტკოინში ინვესტირება 2013 წელს დაიწყო, როდესაც BTC-ის ფასი დაახლოებით 80$ იყო. გასული წლის შემოდგომაზე მან აღნიშნა, რომ პირველი კრიპტოვალუტის შესყიდვის გაგრძელებას და ბიტკოინის მარაგის გაზრდას აპირებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)