Bitcoin Cash 100%-ით გაიზარდა

Bitcoin Cash 100%-ით გაიზარდა

ერთ-ერთი „უხუცესი“ ალტკოინი, Bitcoin Cash, გასული კვირის დასაწყისიდან გაორმაგდა და 106$-დან 214$-მდე გაიზარდა.

ანალიტიკოსები BCH-ის ასეთ ზრდას ახლად ამოქმედებული კრიპტოვალუტის ბირჟა EDX Markets-ის მიერ ალტკოინის მხარდაჭერას უკავშირებენ.

ამჟამად Bitcoin Cash-ის კაპიტალიზაციამ 4,5 მილიარდ დოლარს მიაღწია.  შაბათ-კვირის განმავლობაში ალტკოინი 13%-ით გაიზარდა, ბოლო შვიდი დღის განმავლობაში კი 101%-ით. თავად ალტკოინი  2017 წელს იქნა ამოქმედებული და ბიტკოინის ერთ-ერთ უძველეს ფორკს წარმოადგენს.

სავაჭრო პლატფორმა EDX Markets-ის ამოქმედებამ გავლენა ბიტკოინის ჩათვლით მთელს კრიპტოვალუტის ბაზარზე მოახდინა.

ბირჟას მხარს უჭერენ მსხვილი ფინანსური ინსტიტუტები, როგორიცაა – Citadel Securities, Fidelity, Charles Schwab, Paradigm, Sequoia Capital და Virtu Financial. პლატფორმის მთავარ „ღირსებას“ მუშაობის „არაკუსტოდიალური მოდელი“ წარმოადგენს – მომხმარებლების თანხები არა EDX Markets ანგარიშებზე, არამედ მესამე მხარის სერვისზე ინახება.

BTC-ითა და BCH-ით ვაჭრობის გარდა, EDX Markets მომხმარებლებს ETH-ითა და LTC -ით ვაჭრობას სთავაზობს.

თუმცა, ეს კრიპტოვალუტები, მიუხედავად იმისა, რომ მათ კვირის განმავლობაში ზრდა აჩვენეს, შორს არიან ისეთი მნიშვნელოვანი ზრდისგან, როგორიც Bitcoin Cash-მა განიცადა.

Bitcoin Cash-ის მნიშვნელოვანი ზრდის მიუხედავად, მონეტის კურსი 2017 წლის დეკემბრის ისტორიულ მაქსიმუმს 94%-ით ჩამოუვარდება.

შეგახსენებთ, რომ პლატფორმა EDX Markets-ის ამოქმედება 20 ივნისს შედგა.