Bitcoin Latinum აშშ ში 100 000 კრიპტომატს დააინსტალირებს

Bitcoin Latinum აშშ ში 100 000 კრიპტომატს დააინსტალირებს

კრიპტოვალუტის კომპანია Bitcoin Latinum-მა აშშ-ის 50 შტატში 100 000 მოწყობილობის ინსტალაციისთვის კრიპტომატების ოპერატორ OSO ATMs-თან გააფორმა თანამშრომლობა.

პრესრელიზის თანახმად, კრიპტომატების მეშვეობით ბიტკოინების გარდა LTNM-ის საკუთარი ტოკენების ყიდვა იქნება შესაძლებელი. Bitcoin Latinum-ის დამფუძნებელი დონალდ ბაზილე (Donald Basile) მიიჩნევს, რომ კრიპტო ბანკომატების
დაყენება კრიპტოვალუტას შეერთებული შტატების მომხმარებლებისთვის  უფრო ხელმისაწვდომს გახდის.

„ჩვენ და OSO 2022 წლის იანვრის ბოლომდე 25000 კრიპტომატის დამონტაჟებას ვგეგმავთ. ეს პარტნიორობა აშშ-ს 50 შტატის მაცხოვრებლებს საშუალებას მისცემს შეიძინონ ან გაანაღდონ კრიპტოვალუტა, რაც  Bitcoin Latinum-ის შემდგომ განვითარებასა და LTNM ტოკენის დანერგვას შეუწყობს ხელს.“

OSO ATMs-ის აღმასრულებელმა დირექტორმა აღნიშნა, რომ კრიპტო ბანკომატების მონტაჟი ახლა გლობალური მასშტაბით
ხდება, რაც მომხმარებლებს კრიპტოვალუტების მიღებას უადვილებს. მისი თქმით:

„კრიპტომატების გამოყენება სულ უფრო ხშირად ხდება არა მხოლოდ შეერთებულ შტატებში, არამედ სხვა ქვეყნებშიც. მაგალითად, სალვადორში კრიპტომატების მეშვეობით ადამიანებს შეუძლიათ ტრანზაქციები ბიტკოინით განახორციელონ  ან გადაიყვანონ ის ფიატურ ვალუტაში. Bitcoin Latinum შეერთებულ შტატებში კრიპტოვალუტების გამოყენების გამარტივებას ისახავს მიზნად და ჩვენ ძალიან ვამაყობთ, რომ მათ კრიპტოვალუტების ფართო აუდიტორიამდე მიტანაში დავეხმარებით.“

კრიპტომატების რაოდენობა მსოფლიოში იზრდება. Coin ATM Radar-ის მონაცემებით, 2021 წლის 1 იანვრისთვის მსოფლიოში 14 016 მოწყობილობა იყო რეგისტრირებული, 27 ოქტომბრისთვის კი მათი რიცხვი გაორმაგდა და 30 011-მდე კრიპტომატი შეადგინა.

ცოტა ხნის წინ უმსხვილესმა ამერიკულმა სავაჭრობის ქსელმა Walmart აშშ-ს ათეულობით მაღაზიაში Coinstar-ის 200-ზე მეტი ბანკომატი დააინსტალირა.

წყარო: https://bits.media

Bitcoin Latinum აშშ ში 100 000 კრიპტომატს დააინსტალირებს