Bitcoin Ordinals-ის ვაჭრობის მოცულობა 97%-ით შემცირდა
გამართლდა არაერთი ანალიტიკოსის პროგნოზი : ბიტკოინზე დაფუძნებული NFT – Bitcoin Ordinals-ის პოპულარობა კატასტროფულად შემცირდა. მიმდინარე წლის მაისიდან მოყოლებული BRC-20-ის ვაჭრობის მოცულობა 97%-ით დაეცა.
სერვის DappRadar-ის მონაცემების მიხედვით, მაისში BRC-20-ის (Ethereum-სა და სხვა ქსელებში NFT-ის ანალოგი) ვაჭრობის მოცულობამ 452 მილიონი დოლარი შეადგინა. თუმცა, ეს თავად პროტოკოლ BRC-20-ის დანერგვის ფონზე გამოწვეული აჟიოტაჟის შედეგი აღრმოჩნდა.
უკვე ივნისში, Bitcoin Ordinals-ის ტოკენებით ვაჭრობის მოცულობამ 106 მილიონი დოლარი შეადგინა – მაისთან შედარებით მაჩვენებელმა ერთბაშად 76,5%-იანი ვარდნა განიცადა. ტენდენცია მომდევნო თვეებშიც გაგრძელდა. ივლისში მაჩვენებელმა 35 მილიონი დოლარი შეადგინა (-66,9%), ხოლო აგვისტოს პირველი ნახევრის განმავლობაში ბიტკოინზე დაფუძნებული NFT-ების გაყიდვებმა მხოლოდ 3 მილიონი დოლარი შეადგინა. რაც იმას ნიშნავს, რომ ვაჭრობის მოცულობა მაისის შემდეგ 97%-ით შემცირდა.
„ ვაჭრობის მოცულობის ასეთი მაჩვენებლები ბიტკოინზე დაფუძნებული NFT-ების მომავალთან დაკავშირებით ფუნდამენტურ კითხვებს ბადებს.“- აცხადებენ DappRadar-ის ანალიტიკოსები.
ლოგიკურად, შემცირდა ბიტკოინის ქსელში არსებული იმ აქტიური მისამართების რაოდენობაც, რომლებიც Bitcoin Ordinals-ის ბაზარზე იყო წარმოდგენილი. თუ მაისში BRC-20 ტოკენებით ტრანზაქციებში 79261 მისამართი მონაწილეობდა, აგვისტოს პირველ ნახევარში ეს მაჩვენებელი 6708-მდე შემცირდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)