ბიტკოინი რეგულირებას ვერ ასცდება

ბიტკოინი რეგულირებას ვერ ასცდება

„ბიტკოინი რეგულირებას ვერ ასცდება“- შვედეთის ცენტრალური ბანკი

შვედეთის ცენტრალური ბანკის (Riksbank) მმართველის აზრით ბიტკოინი იმდენად ფართოდ არის
გავრცელებული, რომ მარეგულირებლის კონტროლს ვერ ასცდება.

სტეფან ინგვესის (Stefan Ingves) განაცხადებით, ციფრული აქტივების პოპულარობა ცენტრალურ ბანკებსა და
კანონმდებლებს შორის დაძაბულობას ამძაფრებს. იმის გათვალისწინებით, რომ ბიტკოინი  მთელს მსოფლიოში
დიდი მოთხოვნით სარგებლობს, დიდია მისი უკანონო საქმიანობისთვის გამოყენების ალბათობაც. ამიტომ
მარეგულირებლების წინაშე მომხმარებელთა ინტერესების დაცვის მწვავე პრობლემა დგას.

ინგვესი ყურადღებას ამახვილებს იმაზე, რომ ციფრული აქტივისთვის, რომელიც იმთავითვე ტრადიციული ფინანსური სისტემისთვის გვერდის ასავლელად შეიქმნა, ნორმატიულ-სამართლებრივი ბაზის შემუშავება ურთულესი ამოცანაა.

 2024 წლისთვის ევროკავშირი გეგმავს შეიმუშაოს კომპლექსური სამართლებრივი ბაზა, რომელიც განაწილებული ლეჯერის ტექნოლოგიის (DLT) განვითარებისთვის შექმნის პირობებს და შესაძლებელს გახდის კრიპტოაქტივების ფინანსურ სექტორში გამოყენებას. გარდა ამისა, ეს რეგულაციები უახლესი ტექნოლოგიების დანერგვასთან დაკავშირებული რისკების აღმოფხვრისკენ იქნება მიმართული.

ამასობაში შვედეთის ცენტრალურმა ბანკმა ციფრული კრონის ტესტირებაზე კომერციულ ბანკ Handelsbanken-თან თანამშრომლობის შესახებ გამოაცხადა. მანამდე Riksbank-ი  სახელმწიფო ციფრული ვალუტის გადახდის საშუალებად გამოყენების შესაძლებლობებს განიხილავდა.

ბიტკოინი რეგულირებას ვერ ასცდება

წყარო: https://bits.media