ამერიკელი სენატორის და კრიპტოვალუტის მხარდამჭერის სინტია ლამისის განცხადებით, ბიტკოინს შეუძლია ადამიანები სიღარიბისგან იხსნას თუ სახელმწიფო ხაზინა დაცარიელდება.
გამომცემლობამ Bitcoin Magazine სენატში სინტია ლამისის (Cynthia Lummis) გამოსვლა გამოაქვეყნა.
მას მიაჩნია, რომ ბიტკოინს და სხვა კრიპტოვალუტებს შეუძლიათ დაეხმარონ ბევრ ქვეყანას, მათ შორის შეერთებულ შტატებს, მოსალოდნელ კრიზისთან გამკლავებაში ან ისეთ სიტუაციაში, როდესაც სახელმწიფოს ფული ამოეწურება. ლამისის თქმით, მისი ციფრული აქტივებით დაინტერესების ერთ -ერთი მიზეზი არის ის, რომ მათ არ აქვთ კავშირი მთავრობასთან და იმ დავალიანებებთან რომლებიც სახელმწიფოებს აწევთ.
„ბიტკოინი არ არის დაკავშირებული მთავრობებთან და პოლიტიკურ არჩევნებთან.
ის ხალხს საშუალებას აძლევს გააკეთონ დანაზოგი, რომელიც მათ გადაარჩენთ,
თუ მთავრობა გაკოტრდება. ქვეყანა ზრდის ვალებს მათი გასტუმრების ყოველგვარი
გეგმის გარეშე. მადლობა ღმერთს ბიტკოინისთვის, რომელიც აღემატება მთავრობების უპასუხისმგებლობას, მათ შორის ჩვენი საკუთარისაც.“- თქვა ლამისმა.
ლამისმა საკუთარი მოსაზრება მას შემდეგ გააჟღერა, რაც აშშ პრეზიდენტმა ჯო ბაიდენმა ხელი
მოაწერა ახალ კანონპროექტს მიმდინარე წლის დეკემბრიდან სახელმწიფო დავალიანების ლიმიტის 480 მილიარდი დოლარით გაზრდის შესახებ. ოქტომბერში აშშ-ს სახელმწიფო ვალმა მანამდე დადგენილ 28 ტრილიონი დოლარის ზღვარს ბევრად გადააჭარბა. ამასთან დაკავშირებით, სახელმწიფო სტრუქტურების მუშაობის შეჩერებისა და ქვეყანაში დეფოლტის თავიდან ასაცილებლად, აშშ-ს მთავრობა იძულებული გახდა 18 ოქტომბრამდე საგანგებო ზომებისთვის მიემართა.
ცოტა ხნის წინ სინტია ლამისს 100,000-მდე დოლარის ღირებულების ბიტკოინის შეძენის გამო
ანგარიშის ჩაბარება აშშ -ს ფასიანი ქაღალდების კომისიისთვის (SEC) მოუხდა. რამდენიმე თვის წინ მან საჯაროდ განაცხადა, რომ ბიტკოინებს ღირსეული სიბერის უზრუნველსაყოფად ინახავს და ამერიკელებს მოუწოდა იგივენაირად მოიქცნენ.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)