Bitget-მა გლობალური გადახდის სისტემა აამოქმედა

Bitget-მა გლობალური გადახდის სისტემა აამოქმედა

კრიპტობირჟამ Bitget მყისიერი კრიპტო ტრანზაქციებისთვის ახალი სერვისი – Bitget Pay აამოქმედა. ეს არის კრიპტო გადახდის უკონტაქტო P2P გადაწყვეტა, რომელიც ექსკლუზიურად Bitget-ის აპლიკაციაშია ხელმისაწვდომი.

Statista-ს მონაცემებით, 2023 წელს ბლოკჩეინის საფულეების რაოდენობამ 250 მილიონს გადააჭარბა – კრიპტოვალუტების მიმართ ინტერესი კი კვლავაც იზრდება. ამ ფონზე, Bitget Pay ციფრული აქტივების საერთაშორისო ტრანზაქციების გასაადვილებლად მნიშვნელოვანი ინსტრუმენტი გახდება.

Bitget Pay-ის რამდენიმე კრიპტოვალუტის, მათ შორის BTC-ის, ETH-ისა და USDT-ს მხარდაჭერა აქვს. ბლოკჩეინის ინტეგრაცია ტრანზაქციების მაღალ სიჩქარეს უზრუნველყოფს, რაც შესაძლებლობას იძლევა გადახდები წამებში, ტრადიციული საბანკო სისტემებისთვის დამახასიათებელი სირთულეების გარეშე განხორციელდეს. მოსახერხებელი ინტერფეისი QR კოდის სკანირების ან პირდაპირ აპლიკაციაში მიმღების მისამართის შეყვანის მეშვეობით, სასურველი კრიპტოვალუტების სწრაფად გადარიცხვის შესაძლებლობას იძლევა.

სერვისი მსოფლიო მასშტაბით, გეოგრაფიული შეზღუდვების გარეშე, Bitget-ის ყველა მომხმარებლისთვის იქნება ხელმისაწვდომი.

უსაფრთხო ტრანზაქციების უზრუნველსაყოფად, Bitget Pay KYC პროცედურის გავლას როგორც გამგზავნისგან, ისე მიმღებისგანაც მოითხოვს.
მომხმარებლებს გადარიცხვების განხორციელება მიმღების ელექტრონული ფოსტის, ტელეფონის ნომრის ან Bitget ანგარიშის UID-ის მითითების მეშვეობით შეეძლებათ.

მყისიერი გადარიცხვებისთვის ხელმისაწვდომი ასევე QR კოდის სკანირება  იქნება.