by Maria 
Bitget Onchain-ს ოთხი უმსხვილესი ბლოკჩეინის მხარდაჭერა დაემატა
მსოფლიოში უდიდესმა უნივერსალურმა ბირჟამ Bitget სერვის Bitget Onchain-ის განახლების შესახებ გამოაცხადა. განახლება ოთხი ბლოკჩეინის : Ethereum, Solana, BSC და Base-ის მხარდაჭერის დამატებას მოიცავს.
განახლების შემდეგ, მომხმარებლებს ცალკეული Web3 საფულეების გამოყენების გარეშე წვდომა სხვადასხვა ქსელის მილიონობით ტოკენზე ექნებათ, ასევე გარე გადარიცხვების განხორციელებასა და დახურული გასაღებების დამოუკიდებლად მართვას შეძლებენ. ეს მიდგომა ქსელში არსებულ აქტივებთან მუშაობას გაამარტივებს და მომხმარებლებისთვის ტექნიკურ ბარიერებს შეამცირებს.
ასევე ამოქმედდა Onchain Signals ფუნქცია, რომელიც ხელოვნური ინტელექტის ალგორითმებით არის მხარდაჭერილი. ის ბაზრის ძირითადი მონაწილეების მისამართების აქტივობას აკონტროლებს და ფილტრავს და მომხმარებლებს ტოკენების შესახებ ინფორმაციასა და ანალიტიკურ მიმოხილვას რეალურ დროში აწვდის. სერვისს ერთი დაწკაპუნებით ყიდვა-გაყიდვის ფუნქცია აქვს, რაც მოწოდებულ ინფორმაციაზე უსწრაფესად რეაგირების შესაძლებლობას იძლევა.
Bitget აღნიშნავს, რომ უსაფრთხოება სერვისის პრიორიტეტად რჩება. ყველა ტოკენი წინასწარ შემოწმებას გადის და მაღალი რისკის შემცველი აქტივებისთვის დამატებითი უსაფრთხოების ზომებია მიღებული. განახლება უნივერსალური ბირჟის (UEX) კონცეფციის დანერგვის გრძელვადიანი სტრატეგიის ნაწილს წარმოადგენს.
„Bitget Onchain ერთ პლატფორმაში ხელმისაწვდომობასა და უსაფრთხოებას აერთიანებს. ძირითად ბლოკჩეინებში მილიონობით ტოკენის მხარდაჭერა და ფუნქცია Onchain Signals-ის დანერგვა მომხმარებლებისთვის ქსელურ ვაჭრობასთან დაკავშირებულ უფრო სტრუქტურირებულ მიდგომას ქმნის. ეს განახლება ასახავს UEX-ის მთავარ მიზანს, შექმნას ერთიანი სივრცე კრიპტოვალუტასა და ტრადიციულ ბაზრებს შორის ვაჭრობისთვის.“ – აღნიშნავს Bitget-ის აღმასრულებელი დირექტორი გრეისი ჩენი(Gracy Chen).
არსებული ცენტრალიზებული ბირჟებისგან განსხვავებით, რომლებიც პოპულარული ტოკენების შეზღუდულ ნაკრებს უჭერენ მხარს, UEX-ის მიზანია მომხმარებელს ყველა კრიპტოაქტივი შესთავაზოს. სამომავლოდ გაფართოება ტრადიციული ბაზრების კუთხითაც იგეგმება : აქციები, ETF, ოქრო და ვალუტები. კონცეფცია ცენტრალიზებული და დეცენტრალიზებული გადაწყვეტილებების ელემენტებს აერთიანებს და ხელოვნური ინტელექტით მართულ მონაცემთა ანალიზის ტექნოლოგიებს მოიცავს.
სიახლეების გამოწერა
