ტელეარხ CNBC-ს ჟურნალისტთან, ენდრიუ როს სორკინთან ინტერვიუს დროს, Microsoft-ის თანადამფუძნებელმა, ბილ გეთსმა განაცხადა, რომ ბიტკოინი მეტისმეტ ელექტროენერგიას საჭიროებს.
გეითსმა აღნიშნა, რომ ტრანზაქციის დადასტურებას ბიტკოინის ქსელში ძალიან ბევრი ელექტროენერგია სჭირდება, თუმცა, თუ ენერგია განახლებადი წყაროებიდან მიიღება, ის ამაში ცუდს ვერაფერს ხედავს:
„ბიტკოინი ტრანზაქციისთვის იმაზე მეტ ელექტროენერგიას მოითხოვს, ვიდრე კაცობრიობისთვის ცნობილი ნებისმიერი სხვა მეთოდი, რაც კლიმატისთვის არც ისე კარგია. მაგრამ, თუ ენერგია „მწვანეა“ და მისი მოხმარება არ არის ზიანის მომტანი, მაშინ ყველაფერი რიგზეა. ვფიქრობ, ეს საკითხი ნაკლებად არის კავშირში თემასთან, თუმცა, შეგიძლიათ ბიტკოინის სკეპტიკოსი მიწოდოთ.“
Microsoft-ის ყოფილმა ხელმძღვანელმა განაცხადა, რომ არ აპირებს ბიტკოინში ინვესტირებას. ის ირჩევს კომპანიებს რომლებიც ქმნიან პროდუქტს და იძენს სხვადასხვა ვაქცინებს. ამასთან გეითსის ფონდი საკუთარი ციფრული ვალუტების შექმნაზე მუშაობს:
„გეითსის ფონდი ამჟამად მუშაობს საკუთარი ციფრული ვალუტების შექმნაზე, რომელთა ტრანზაქციებსაც ძალიან დაბალი საკომისიო ექნებათ,“ – განაცხადა გეითსმა.
იმის შესახებ, რომ არ აპირებს ბიტკოინში ინვესტირებას ბილ გეითსმა ადრეც განაცხადა. მან თქვა რომ პირველი კრიპტოვალუტის მიმართ ნეიტრალური პოზიცია აქვს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)