ბიტკოინმა გადალახა 50000$-ის ბარიერი და მისმა ფასმა 50690$ შეადგინა. ამაზე გავლენა MicroStrategy-ის განცხადებამ მოახდინა, ბიტკოინის შესაძენად 600 მილიონი დოლარის კონვერტირებადი ობლიგაციების გაყიდვის შესახებ.
კომპანია MicroStrategy აღნიშნულ ობლიგაციებს ინსტიტუციონალურ ინვესტორებს მიჰყიდის, მოგებული თანხით კი ბიტკოინების შეძენას გეგმავს. MicroStrategy უკვე ფლობს 3.5 მილიარდი დოლარის ღირებულების 71079 ბიტკოინს. ამ სიახლის ფონზე ბიტკოინის ფასმა ახალი ბარიერი გადალახა და 50000$-ს მიაღწია, მოგვიანებით კი დაკორექტირდა და 49500$ შეადგინა.
ბიტკოინის ფასმა ახალი ბარიერი გადალახა და 50000$-ს მიაღწია, მოგვიანებით კი დაკორექტირდა და 49500$ შეადგინა.
იანვრის დასაწყისში ბიტკოინის ფასი 42000$ იყო. რამდენიმე კვირის განმავლობაში ფასი 30000$-დან 40000$-მდე მერყეობდა. თებერვლის პირველ კვირაში ილონ მასკის Tesla-ს მიერ ბიტკოინში 1.5 მილიარდი დოლარის ინვესტირების შედეგად ფასმა 48000$-მდე აიწია. ამგვარად ფასის შემდგომი აღმავლობა სწორედ Tesla-ს მიერ იყო ინიცირებული, რასაც ბევრი ანალიტიკოსი ბიტკოინის თემაზე ილონ მასკის სოციალურ ქსელებში ბოლოდროინდელ აქტიურობაზე დაყრდნობით წინასწარმეტყველებდა.
გასულ წელს Microstrategy-იმ ბიტკოინში 425 მილიონი დოლარი დააბანდა და გახდა პირველი საჯარო კომპანია, რომელმაც ინვესტიცია კრიპტოვალუტაში განახორციელა. ამგვარად, მან „გზა გაუკვალა“ სხვა ინსტიტუციონალურ ინვესტორებს. What Bitcoin Did პოდკასტის ავტორის, პეტერ მაკკორმაკის (Peter McCormack) აზრით, მაშინ ბევრი კომპანია MicroStrategy-ის ხელმძღვანელის, მაიკლ სეილორის (Michael Saylor) ამ ნაბიჯს სიგიჟედ ჩათვლიდა. დღევანდელი გადმოსახედიდან კი მის ქმედებებს „გენიალური“ შეიძლება ვუწოდოთ. მოგვიანებით, Microstrategy-ის მაგალითი ფინანსურმა კომპანია Square-მაც გაიზიარა და ოქტომბერში 4709 ბიტკოინის მფლობელი გახდა.
ექსპერტების აზრით ბიტკოინი განაგრძობს ზრდას. Skybridge Capital-ის ოპერაციული დირექტორი, ბრეტ მესინგი (Brett Messing) ამბობს, რომ არ გაუკვირდება თუ მომდევნო 16 თვის განმავლობაში ბიტკოინის ფასი 100000$-ს მიაღწევს. ამავე მოსაზრებას იზიარებს Binance-ის ამერიკული განყოფილების აღმასრულებელი დირექტორი ქეთრინ კოულიც (Catherine Coley).
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)