Bitmart-იდან 150 მილიონი დოლარის კრიპტოვალუტა მოიპარეს

Bitmart-იდან 150 მილიონი დოლარის კრიპტოვალუტა მოიპარეს

Bitmart-ის პლატფორმამ კიბერშეტევის შედეგად  100 მილიონი დოლარის ეთერიუმი და 50 მილიონი დოლარის სხვა კრიპტოვალუტები დაკარგა.

კომპანიამ Peckshield, რომლის სპეციალიზაციაც ბლოკჩეინის უსაფრთხოებაა, 5 დეკემბერს ტვიტერზე კრიპტოვალუტის ბირჟა Bitmart-ზე კიბერშეტევის შესახებ ინფორმაცია გამოაქვეყნა. ჰაკერებმა გატეხეს კრიპტოვალუტის საფულეები და ბირჟიდან დაახლოებით 200 მილიონი დოლარის ღირებულების აქტივები მოიპარეს.

თავად ბირჟამ უფრო მცირე დანაკარგები გამოაცხადა. Peckshield-მა თავდაპირველად  100 მილიონი დოლარის ღირებულების ეთერიუმის ქურდობა აღმოაჩინა.

შემდგომმა გამოძიებამ აჩვენა, რომ სავაჭრო პლატფორმიდან  უკანონოდ 96 მილიონი ღირებულების სხვა კრიპტოვალუტებიც იქნა ამოღებული.

20 ტიპის აქტივის კომბინაციის მეშვეობით, როგორიცაა Binance Coin, Safemoon, BSC-USD და BPay, ჰაკერებმა  კიბერშეტევის დამალვა მოახერხეს.

 კიბერკრიმინალებმა მოიპარეს მიმ-მონეტების მნიშვნელოვანი რაოდენობა, როგორიცაა BabyDoge, Floki და Moonshot.  Peckshield-მა კიბერთავდასხმას მარტივი სქემის კლასიფიკაცია მისცა, რომელიც გატეხვაზე, გამოტანაზე  და ფულის გათეთრებაზეა აგებული.

Bitmart-ის აღმასრულებელმა დირექტორმა შელდონ ქსიამ (Sheldon Xia)  კიბერშეტევა მოგვიანებით Twitter-ზე დაადასტურა და აღწერა იგი, როგორც  Ethereum-ისა და Binance Smart Chain-ის საფულეების „უსაფრთხოების ფართომასშტაბიანი დარღვევა“.

ასევე დაადასტურა, რომ ჰაკერებმა 150 მილიონი დოლარის ღირებულების კრიპტოვალუტა ამოიღეს.

„ჩვენ ჯერ კიდევ არ გამოგვიტანია დასკვნები  თავდასხმის  მეთოდებთან დაკავშირებით. ჰაკერებმა 150 მილიონი დოლარის აქტივების გამოტანა შეძლეს.“

მან გააფრთხილა მომხმარებლები, რომ კრიპტოვალუტის ბირჟა  ყველა აქტივის გატანას განუსაზღვრელი ვადით აჩერებს.

პლატფორმის მიერ  სერვისების მიწოდების განახლებაზე ინფორმაცია, ბირჟის ოფიციალური რესურსების მეშვეობით გახდება ცნობილი.

ბირჟას თავდამსხმელების ძებნასთან დაკავშირებული დამატებითი ინფორმაცია არ გაუსაჯაროვებია.

ამ კვირაში ჭკვიანი კონტრაქტის ექსპლოიტის მეშვეობით თავდასხმა Badger-ის დეცენტრალიზებულ ავტონომიურ ორგანიზაციაზეც (DAO) მოხდა .

კიბერშეტევის შედეგად კრიმინალებმა 60 მილიონი დოლარის კრიპტოვალუტა ამოიღეს. თავდასხმის შედეგად,  მხოლოდ ერთმა მომხმარებელმა  896 BTC (51 მილიონი დოლარი) დაკარგა. გასული თვის ბოლოს კიბერშეტევის გამო 31 მილიონი დოლარის ღირებულების კრიპტოვალუტა MonoX-ის პროექტმაც  დაკარგა. ნოემბრის დასაწყისში კი BXH დეცენტრალიზებული სავაჭრო პლატფორმიდან 139 მილიონი დოლარის ტოკენები მოიპარეს.

წყარო: https://bits.media