BitMEX-მა საბანკო საიდუმლოების შესახებ კანონის დარღვევა აღიარა
კრიპტოვალუტის ბირჟამ BitMEX აშშ-ს საბანკო საიდუმლოების შესახებ კანონის დარღვევა და ფულის გათეთრების წინააღმდეგ ბრძოლის პროგრამის (AML) განზრახ არდანერგვა აღიარა.
ნიუ-იორკის სამხრეთ ოლქის პროკურორის დამიან უილიამსის (Damian Williams) განცხადებით, თუ კრიპტო ბირჟებს აშშ-ს ბაზარზე არსებული შესაძლებლობებით სარგებლობა სურთ, ყველა მათგანი ვალდებულია აშშ-ს კანონმდებლობის შესაბამისად იმოქმედოს.
„შეერთებულ შტატებში ფუნქციონირების დროს, BitMEX ფულის გათეთრებისა და სანქციების გვერდის ავლის საშუალებად იქცა, რამაც ფინანსური სისტემის მთლიანობას სერიოზული საფრთხე შეუქმნა.“- განმარტა დამიან უილიამსმა
ფედერალური უსაფრთხოების სამსახურის (FBI) დირექტორის თანაშემწის კრისტი კერტისის (Christy Curtis) თქმით, კომპანიის მოგების გაზრდის მიზნით BitMEX-ის ტოპ მენეჯმენტი კანონს მიზანმიმართულად არღვევდა.
კრიპტო ბირჟას AML პროგრამის განხორციელება და ოპერირება ევალებოდა, რაც KYC (Know Your Client) პროცედურას გულისხმობდა, რაც ბირჟას არ გაუკეთებია. BitMEX კლიენტებისგან მხოლოდ ელ.ფოსტის მისამართის მიწოდებას მოითხოვდა, ხაზგასმით აღნიშნა კურტისმა.
ბირჟას სამართლებრივი პრობლემები 2022 წელს შეექმნა. აშშ-ს საბანკო საიდუმლოების შესახებ კანონის დარღვევის ბრალდებით ერთ-ერთ ყოფილ ხელმძღვანელს გრეგორი დუიერს (Gregory Dwyer) ერთი წლით თავისუფლების აღკვეთა მიესაჯა. BitMEX-ის თანადამფუძნებელს არტურ ჰეისს (Arthur Hayes) კი დანაშაულის აღიარების შემდეგ ექვსთვიანი შინაპატიმრობა შეეფარდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)