Bitmine-მა ETH-ის ყველაზე დიდი შესყიდვა განახორციელა

Bitmine-მა ETH-ის ყველაზე დიდი შესყიდვა განახორციელა

მსოფლიოში ETH-ის ყველაზე მსხვილმა საჯარო მფლობელმა კომპანიამ Bitmine Immersion Technologies  აშშ-ის ფასიანი ქაღალდებისა და ბირჟების კომისიას (SEC) 101 627 ETH-ის შეძენის შესახებ ანგარიში წარუდგინა. შესყიდვები 13-დან 19 აპრილამდე პერიოდში განხორციელდა.

Bitmine-ის დირექტორთა საბჭოს თავმჯდომარისა და Fundstrat Global Advisors-ის თანადამფუძნებლის ტომ ლის (Tom Lee) განცხადებით, 15 დეკემბრის შემდეგ ეს კომპანიისთვის ETH-ის ყველაზე მსხვილი შენაძენი იყო. ბოლო ოთხი კვირის განმავლობაში Bitmine ალტკოინის შესყიდვის ტემპს ინარჩუნებდა.

ამჟამად Bitmine-ის მფლობელობაში 11,5 მილიარდი დოლარის ღირებულების 4 976 485 ETH-ია.  გარდა ეთერიუმისა, კომპანიის ბალანსზეა:

• 199 ბიტკოინი;

• 200 მილიონი დოლარის ღირებულების წილი ჰოლდინგურ კომპანიაში Beast Industries ;

• 107 მილიონი დოლარის ღირებულების წილი ამერიკულ კომპანიაში Eightco;

•  1,12 მილიარდი დოლარის ნაღდი ფული.

კრიპტოვალუტისა და ფულადი აქტივების ჯამური ღირებულება 12,9 მილიარდ დოლარს აღწევს. Bitmine-ის მფლობელობაში  მიმოქცევაში არსებული ეთერიუმის საერთო მოცულობის 4%-ზე მეტია  და კომპანიას მიზნად მონეტების მთლიანი მარაგის 5%-ის ფლობა აქვს დასახული.

უმსხვილესი შესყიდვა მას შემდეგ განხორციელდა, რაც კომპანიამ ნიუ-იორკის საფონდო ბირჟაზე (NYSE) დაიწყო ვაჭრობა.

Bitmine-მა ასევე სტეიკინგის ოპერაციები გააფართოვა და მსხვილი ინვესტორებისთვის სპეციალიზებული პლატფორმა MAVAN (Made in America Validator Network) აამოქმედა. კომპანიის ინფორმაციით, ამჟამად სტეიკინგში 3,33 მილიონი ETH-ია, რაც წლიურად 200 მილიონ დოლარზე მეტ შემოსავალს მოიტანს.

ცოტა ხნის წინ, Paris Blockchain Week 2026-ზე, ტომ ლიმ განაცხადა, რომ უახლოეს რამდენიმე წელიწადში ეთერიუმის კურსი შესაძლოა 60 000$-მდე გაიზარდოს. მისი აზრით, ეთერიუმის ზრდა საფონდო ბირჟების დინამიკაზე იქნება დამოკიდებული.