by Maria 
BlackRock ალტკოინების უმეტესობა უსარგებლოა
10 ოქტომბერს ბიტკოინის ფასის ვარდნამ და კრიპტო ტრეიდერების პოზიციების მასობრივმა ლიკვიდაციამ ბაზარზე სპეკულაციური ვაჭრობის რისკები და სხვა კრიპტოვალუტების უმეტესობის უსარგებლობა ცხადყო, განაცხადა BlackRock-ის ციფრული აქტივების მიმართულების ხელმძღვანელმა, რობერტ მიჩნიკმა (Robert Mitchnick).
Yahoo Finance-თან ინტერვიუში მიჩნიკმა ბიტკოინს „პერსპექტიული ციფრული ოქრო“ უწოდა. მოიხსენია იშვიათ, დამოუკიდებელ აქტივად, რომელიც შესაძლოა ნაღდი ფულის ნამდვილ ალტერნატივად იქცეს, განსხვავევით ათასობით სხვა ციფრული მონეტისგან, რომელთა შემოსავლიანობაც იღბალზე ან რაიმე ახალი ტექნოლოგიის ან იდეის მომგებიანობაზე დადებული ფსონია.
„თუ კრიპტო ლანდშაფტს გადახედავთ, ათასობით აქტივს დაინახავთ, რომელთა უმეტესობა სრულიად უსარგებლოა. ბიტკოინი მნიშვნელოვანია. ეთერიუმიც მნიშვნელოვანია. ამას დამატებული რამდენიმე ალტკოინიც, მაგრამ ყველაფერი დანარჩენი უბრალოდ ფსონის დადებაა რომელიმე იდეის ატაცებაზე, რაც უმეტესწილად არ ამართლება.“ – თქვა საინვესტიციო კომპანიის დეპარტამენტის ხელმძღვანელმა.
მიჩნიკის მოსაზრებით, სამომავლოდ ბიტკოინი საკუთარი კანონების შესაბამისად გააგრძელებს განვითარებას. მას ზრდის მამოძრავებელი ფაქტორები, ინფლაციისგან დაცვა და ინსტიტუციონალური ინვესტორების მხრიდან ინტერესი გააჩნია.
მისი თქმით, ალტკოინების უმეტესობა, რომელთა არსებობაც ემოციებსა და ტყუილზეა აგებული, შესაძლოა უბრალოდ გაქრეს.
„დროთა განმავლობაში ბიტკოინი ბაზრის დანარჩენ ნაწილს გამოეყოფა . მისი ზრდის მამოძრავებელი ფაქტორები სარისკო აქტივებისგან ძალიან განსხვავდება – ის უკვე იწყებს აქციებისა და ალტკოინებისგან დამოუკიდებლად მოქმედებას.“ – მიიჩნევს საინვესტიციო კომპანიის წარმომადგენელი.
წყარო: https://finance.yahoo.com/video/majority-crypto-assets-worthless-blackrocks-100022890.html
სიახლეების გამოწერა
