Block ანაბეჭდის სკანერიან აპარატულ საფულეს გამოუშვებს

Block ანაბეჭდის სკანერიან აპარატულ საფულეს გამოუშვებს

ჯეკ დორსის კომპანია Block  თითის ანაბეჭდის სკანერიან აპარატულ საფულეს გამოუშვებს.

 საგადახდო სერვისი Block  ბიტკოინის აპარატურულ საფულის შექმნაზე მუშაობს, რომელსაც ლითიუმ-პოლიმერული ბატარეა, USB-C პორტი და ბიომეტრიული მხარდაჭერა ექნება.

 Twitter-ის დამფუძნებლის, ჯეკ დორსის საგადახდო კომპანიამ Block (SQ), რომელიც წარსულში ცნობილი იყო როგორც Square,  განაცხადა, რომ ბიტკოინის საფულეს რომელზეც კომპანია მუშაობს ექნება სკანერი თითის ანაბეჭდებისთვის.

„ტრანზაქციებისთვის, რომლებიც საფულის აპარატულ უზრუნველყოფას საჭიროებენ, ჩვენ თითის ანაბეჭდის სკანერს დავამატებთ,

რათა ჩვენმა კლიენტებმა საფულის განბლოკვა მარტივად და უსაფრთხოდ შეძლონ. ეს არის ახალი ფუნქცია, რომელიც  ამ ბაზრის ისტორიაში პირველია.“- ნათქვამია კომპანიის განცხადებაში.

დეველოპერების თქმით, საფულეს დისპლეი არ ექნება, რადგან კომპანიის აზრით, ეს საფულით სარგებლობას არ გამაარტივებს .

გარდა ამისა, ასეთი გადაწყვეტა კრიპტოვალუტის საფულის მოხმარებას უფრო იაფს გახდის. ეს კი ბიტკოინის მფლობელებს შორის მასზე მოთხოვნას გაზრდის.

ეს არ არის პირველი შემთხვევა, როდესაც სხვა ბიზნესიდან წამოსული პირის მიერ დაარსებული კომპანია კრიპტოვალუტის საფულეს უშვებს.

2019 წელს ჩინეთის წამყვანი კრიპტოვალუტის ბირჟა BTCC-ის დამფუძნებელმა, ბობი ლიმ (Bobby Lee), რომელმაც აღმასრულებელი დირექტორის თანამდებობა დატოვა და კომპანია Ballet დააარსა, ასევე გადაწყვიტა კრიპტოვალუტის აპარატული საფულის შემუშავება.

Ballet-ის მოწყობილობის მთავარი მახასიათებელი საჯარო მისამართებისა და პირადი გასაღებების წინასწარი გენერირება იყო.

ლის აზრით,  ეს მოიზიდავს მომხმარებლებს, რომლებიც არ იცნობენ კრიპტოვალუტებს და საფულესთან მუშაობას ბევრად გაამარტივებს.

იმავე წელს ამერიკულმა სტარტაპმა VaultTel  SIM ბარათის ფორმის  მინიატურული აპარატული საფულე წარმოადგინა, რომელიც  სმარტფონის შესაბამის სლოტში მუშაობს.