ბლოკჩეინი სახელმწიფო კრიპტოვალუტებისთვის არ გამოდგება

ბლოკჩეინი სახელმწიფო კრიპტოვალუტებისთვის არ გამოდგება

შვეიცარიის ეროვნული ბანკის მთავარი ეკონომისტის, კარლოს ლენცის (Carlos Lenz) აზრით  დეცენტრალიზებული ბლოკჩეინი
კონტროლირებადი სახელმწიფო ვალუტებისთვის არ გამოდგება.

სახელმწიფო კრიპტოვალუტების პროექტირებისას შესაძლოა სხვადასხვა ტექნოლოგიების, მათ შორის ბლოკჩეინზე
დაფუძნებული პლატფორმების გამოყენება. კარლოს ლენცი ხაზგასმით აღნიშნავს, რომ ბლოკჩეინი არც ისე ეფექტურია,
როცა საქმე ცენტრალიზებულ ციფრულ ვალუტებს ეხება. 

„ციფრული ფრანკის შექმნის დროს შესაძლებელია შეიქმნას სისტემა ეროვნულ ბანკში არსებული ანგარიშებით.
ვერ ვიტყვი რომ ეს საუკეთესო ვარიანტია, თუმცა ყველაზე მარტივი. ან გამოყენებულ იქნას ბლოკჩეინი. თუმცა,
ვფიქრობ დეცენტრალიზებული გადაწყვეტილება არ იქნება იდეალური.“-განაცხადა ეკონომისტმა.

ლენცმა ასევე აღნიშნა, რომ შვეიცარიის ეროვნული ბანკი ციფრული ფრანკის შემუშავებას ჯერ არ გეგმავს, რადგან არსებული
გადახდის სისტემაც კარგად მუშაობს. შვეიცარიას უბრალოდ არ აქვს მოთხოვნილება ჰქონდეს სახელმწიფო კრიპტოვალუტა.

მიუხედავად ამისა, შვეიცარიის ბანკმა საფრანგეთის ცენტრალურ ბანკთან ერთად აამოქმედა ექსპერიმენტალური პროექტი
სახელწოდებით «Project Jura», რომელიც სახელმწიფო ციფრული ვალუტების საერთაშორისო გადახდების განხორციელებისთვის გამოყენების ტესტირებას მოიცავდა. 

იმის შესახებ, რომ სახელმწიფო კრიპტოვალუტებისთვის ბლოკჩეინი საჭიროებას არ წარმოადგენს, ჯერ კიდევ 2019 წელს კრიპტოვალუტის სკეპტიკოსი ნურიელ (Nouriel Roubini) რუბინი ამბობდა.

წყარო : https://bits.media

ბლოკჩეინი სახელმწიფო კრიპტოვალუტებისთვის არ გამოდგება