კრიპტოვალუტების სფეროში ვაკანსიების რაოდენობა 7 ჯერ გაიზარდა

LinkedIn-ის მონაცემებით, ბლოკჩეინისა და კრიპტოვალუტის სფეროში ვაკანსიების რაოდენობა 2020 წლიდან 615%-ით
გაიზარდა.

LinkedIn-ის ანალიტიკური ჯგუფის – Economic Graph-ის შეფასებით, წელს მსოფლიოს უდიდეს კომპანიებში ციფრულ
აქტივებთან  მუშაობის გამოცდილების მქონე სამჯერ უფრო მეტი თანამშრომელი დასაქმდება ვიდრე 2015 წელს.
მიმდინარე წლის პირველ ნახევარში დასაქმებული კრიპტოვალუტის სპეციალისტების რაოდენობა 2020 წლის ანალოგიურ პერიოდთან შედარებით 40%-ით გაიზარდა. გარდა ამისა, 2021 წლის აგვისტოში შეერთებულ შტატებში იმ ვაკანსიების
რაოდენობა , რომლებიც შეიცავს ტერმინებს „კრიპტოვალუტა“ ან „ბლოკჩეინი“ გასული წლის იმავე პერიოდთან შედარებით 615% იყო გაზრდილი. LinkedIn-ის განცხადებით, ბლოკჩეინის დეველოპერის ვაკანსა ერთ-ერთი ყველაზე პოპულარული გახდა აშშ-ში, დიდ ბრიტანეთში, ავსტრალიაში,
საფრანგეთსა და გერმანიაში.

ამერიკული ბანკი JPMorgan მოწინავეა იმ დამსაქმებელთა სიაში, რომლებიც თანამშრომლებს ბლოკჩეინსა და
ციფრულ ვალუტებთან დაკავშირებულ პოზიციებზე ასაქმებენ. ეს იმას უკავშირდება, რომ მომხმარებელთა მზარდი
მოთხოვნის დასაკმაყოფილებლად უფრო და უფრო მეტი ფინანსური ინსტიტუტი იწყებს კრიპტოვალუტის სერვისების შეთავაზებას.
აგვისტოში JPMorgan-მა საკუთარ კლიენტებს უკვე რიგით მეექვსე კრიპტოვალუტის ფონდზე მისცა წვდომა. უნდა აღინიშნოს,
რომ JPMorgan Chase-ის აღმასრულებელი დირექტორი, ჯეიმი დიმონი (Jamie Dimon) კრიპტოვალუტის მოწინააღმდეგედ
ითვლება. თუმცა, ის დარწმუნებულია, რომ თუ კლიენტები კრიპტოვალუტების მიმართ დიდ ინტერესს იჩენენ, მათი
საინვესტიციო შესაძლებლობების შეზღუდვა მისი პოზიციის გამო არ ღირს.

კრიპტოვალუტების სფეროში სპეციალისტების დასაქმების შესახებ საკუთარი  მოსაზრება ბანკ BNY Mellon-ის ციფრული ტექნოლოგიების განყოფილების ხელმძღვანელმა რომან რეგელმანმაც (Roman Regelman) გამოთქვა. LinkedIn News-თან
საუბრისას მან განაცხადა, რომ ბანკი დაინტერესებულია თანამშრომლებით, რომლებსაც სიახლის მიღება შეუძლიათ და ნოვატორებით, რომლებსაც შეუძლიათ მკაცრად რეგულირებად გარემოში იმუშაონ.  რეგელმანის თქმით, ასეთი
ადამიანების პოვნა ძალიან რთულია, მაგრამ ბანკმა კრიპტოგრაფიისა და ფინანსური ტექნოლოგიების დარგში კარგი სპეციალისტების მოსაზიდად აუცილებელი ზომები მიიღო.

„წარმოიდგინეთ ტრადიციული ბანკირი და ნოვატორი. ეს ორი სრულიად განსხვავებული სურათია. თუმცა, ციფრული აქტივების შესაძლებლობები უზარმაზარია და  ტრადიციული ბანკების მუშაობაში მრავალფეროვნების შემოტანა მნიშვნელოვანია. მაშინ ისინი ფინანსური სფეროს ტალანტებისთის „მაგნიტის“ ფუნქციას შეასრულებენ. ჩვენ მოქნილობა უნდა გამოვიჩინოთ და დავნერგოთ კულტურა, რომელიც გამჭვირვალობის იმაზე მაღალ დონეს უზრუნველყოფს, ვიდრე ეს ჩვეულებრივ ინდუსტრიაშია მიღებული”- განაცხადა რეგელმანმა.

წყარო: https://bits.media

კრიპტოვალუტების სფეროში ვაკანსიების რაოდენობა 7 ჯერ გაიზარდა

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას