Nonfungible.com-ის მონაცემებით, თებერვლიდან საკოლექციო ტოკენების (NFT) საშუალო ფასი 70%-ით შემცირდა. Bloomberg-ის ანალიტიკოსების აზრით, ეს შესაძლოა იმას ნიშნავდეს, რომ NFT ბუმი ნელ-ნელა ჩაცხრება.
1 აპრილის მონაცემებით NFT-ს საშუალო ფასი 1400$-ს შეადგენდა, მაშინ როცა 22 თებერვალს ის 4300$-ს აღწევდა. თემისადმი ინტერესს ცნობილი სააუქციონო სახლების მიერ დიდი ლოტების გაყიდვებიც იწვევს. მაგალითად, მარტის დასაწყისში Christie’s სააუქციონო სახლმა მხატვარ Beeple-ის ციფრული ნახატი 69.3 მილიონ დოლარად გაყიდა. თუმცა NFT-ს სფეროს „ფინანსურ ბუშტსაც“ ვერ ვუწოდებთ.
„აზრს მოკლებულია NFT-ს კონცეფციის „ფინანსურ ბუშტად“ მოხსენიება. აქ არანაკლები „ბუშტია“ ვიდრე კრიპტოვალუტებში. არსებობს მანიები და ირაციონალური პოპულარობა, მაგრამ კრიპტოვალუტა დიდი ხნით დარჩება ჩვენთან, ისევე როგორც NFT-ები.“- განაცხადა პიტსბურგის უნივერსიტეტის აკადემიკოსმა, კრის უილმერმა (Chris Wilmer).
კომპანიები გაყიდვების გაზრდისთვის ცდილობენ ტექნოლოგიებს მიმართონ. თუმცა ციფრული ხელოვნებისთვის NFT-ს გამოყენება ყოველთვის არ ამართლებს, ეს ტექნოლოგია ფილმებისა და მუსიკის გაყიდვებს შესანიშნავად ესადაგება.
„იმის მიუხედავად, რომ კრიპტოგრაფიის მეშვეობით NFT-ს ნამდვილობის დადგენა ადვილად შეიძლება, მომხმარებლების მოტყუება ძალიან ადვილია თუ მათ ამის გაკეთება არ შეუძლიათ. ვფიქრობ, ამ სფეროში თაღლითობების ტალღას უნდა ველოდოთ.“- თქვა უილმერმა.
Google Trends-ის მონაცემებით, საკოლექციო ტოკენების მიმართ ინტერესმა თითქმის იგივე ნიშნულს მიაღწია, რასაც ტოკენების პირველადმა განთავსებებმა (ICO) 2017 წელს მათი ბუმის დროს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)