BNB Chain და Google Cloud ითანამშრომლებენ

BNB Chain და Google Cloud Web3 და Blockchain სტარტაპების მხარდასაჭერად ითანამშრომლებენ.

BNB-ის ქსელმა Google Cloud-თან  სტრატეგიული პარტნიორობის შესახებ გამოაცხადა.

ერთობლივი ინიციატივის შედეგად BNB Chain ეკოსისტემის 1300-ზე მეტ მონაწილეს პლატფორმის ღრუბლოვან სერვისებზე წვდომა ექნებათ.

შეთანხმების მონაწილეების თქმით, სტრატეგიული პარტნიორობა Web3-ისა და ბლოკჩეინის სფეროში განვითარების ადრეულ ეტაპებზე მყოფი სტარტაპების ზრდას შეუწყობს ხელს, მათ ძირითადი ინფრასტრუქტურის, ღრუბლოვანი გამოთვლებისა და მენტორული პროგრამების შექმნაში დაეხმარება.

1300-ზე მეტი დეცენტრალიზებული აპლიკაციის (dApps) დეველოპერი ღრუბლოვან ინფრასტრუქტურაზე და სხვადასხვა Google Cloud ინსტრუმენტებზე წვდომას მიიღებს. ორივე პლატფორმის წარმომადგენლები დარწმუნებულნი არიან, რომ ეს DeFi, NFT, მეტავერსიების და ბლოკჩეინის თამაშების სფეროში მომუშავე პროექტებს განვითარების ძლიერ იმპულსს მისცემს.

„Google Cloud-მა Web3-ს ბევრი კარგი რამ შემატა. ჩვენთვის მნიშვნელოვანია ვიმუშაოთ დიდ მოთამაშეებთან, რომლებსაც  ფართო ხედვა და მსგავსი შეხედულებები აქვთ.“ – განაცხადა BNB Chain-ს საინვესტიციო დირექტორმა გვენდოლინ რეჯინამ (Gwendolyn Regina).

გარდა ამისა, BNB ქსელის აქსელერატორისა და დაჩქარებული განვითარების მხარდაჭერის პროგრამისთვის შერჩეული დაახლოებით 150 სტარტაპი Google Cloud Enterprise პროგრამის წევრი გახდება.

პროგრამის ფარგლებში კომპანიებს პროექტების აქტიური განვითარებისთვის ორი წლის ვადით კრედიტები მიეცემათ.

აგვისტოში BNB Chain-მა საგანმანათლებლო პლატფორმა Platzi-სთან ერთად ლათინური ამერიკის რეგიონის 30000 სტუდენტისთვის  Web3 განვითარების კურსის დაწყება გამოაცხადა.