BNB Chain-მა წითელ სიაში 191 პროექტი დაამატა

BNB Chain-მა წითელ სიაში ​​191 მაღალი რისკის პროექტი დაამატა

BNB Chain-ის ბლოკჩეინ დეველოპერებმა ეგრეთ წოდებულ „წითელ სიაში“ 191 პროექტი დაამატეს, რასაც ინვესტორებისთვის შესაძლო თაღლითობებისა და სარისკო დაბანდებების შესახებ ერთგვარი გაფრთხილების სახე ექნება.

განახლებული სია რამდენიმე ტიპის არასანდო პროექტს მოიცავს: პროექტებს ყალბი ტოკენებით, პროექტებს რომლებსაც თანხის გატანის მაღალი საკომისიო ან პროცესის გაუმჭვირვალობა ახასიათებთ,

პროექტებს რომელთა დეველოპერებმა Twitter-ზე პროექტის არარსებული მისამართები მიუთითეს.

სიაში რამდენიმე პროექტი  იმის გამო მოხვდა, რომ სმარტ კონტრაქტების შემუშავებისთვის მიღებული თანხები მიქსერ Tornado Cash-ის სერვისთან დაკავშირებული მისამართებიდან მომდინარეობდა.

საუბარია ისეთ პროექტებზე, როგორიცაა CycGo, Piston და Shorter Finance.

BNB Chain-ის დეველოპერები ხაზგასმით აღნიშნავენ, რომ მათი სია არ უნდა იყოს აღქმული როგორც  საინვესტიციო რეკომენდაცია, რადგან სიაში მოხვედრა ყოველთვის არ ნიშნავს, რომ პროექტი საფრთხის შემცველია.

თუმცა, სია უნდა იყოს ერთ-ერთი ფაქტორი, რომლის გათვალისწინებაც  სასურველი იქნება:

„ ჩვენს წითელ სიას თვალი იმისთვის გადაავლეთ, რომ ჩვენი ქსელის ბაზაზე არსებული საეჭვო პროექტების შესახებ იყოთ ინფორმირებული.“

ცოტა ხნით ადრე აშშ-ის რამდენიმე შტატის ფინანსურმა მარეგულირებლებმა განაცხადეს, რომ პროექტ YieldTrust.ai-ში კრიპტოვალუტის პირამიდის ნიშნები დაინახეს.

პროექტი BNB Smart Chain-ის ბაზაზე ფუნქციონირებს.