Brexit-მა ბრიტანეთს კრიპტოვალუტების რეგულირების შანსი მისცა
ბრიტანელი დეპუტატი: Brexit-მა კრიპტოვალუტების სათანადო რეგულირების შანსი მოგვცა.
თემთა პალატის კონსერვატორი წევრი დარწმუნებულია, რომ ევროკავშირის შემზღუდავი პოლიტიკა გაერთიანებული სამეფოს კრიპტო ინდუსტრიას დიდ სარგებელს ვერ მოუტანდა.
გამომცემლობა The Express-თან ინტერვიუში დეპუტატმა და ჯანდაცვის ყოფილმა მინისტრმა მეტ ჰენკოკმა (Matt Hancock) განაცხადა, რომ გაერთიანებული სამეფოს აქვს ვალდებულება კრიპტოვალუტის ინდუსტრიას ყურადღება დაუთმოს.
მისი აზრით, ამ თვალსაზრისით ბრექსიტი სასარგებლო იყო, რადგან ახლა ბრიტანეთი არ არის ვალდებული გაითვალისწინოს ევროკავშირის აზრი, რომელსაც კრიპტოვალუტების მკაცრი რეგულირება სურს.
ჰენკოკი დარწმუნებულია, რომ ევროკავშირის დატოვება გაერთიენებულ სამეფოს ციფრული ვალუტებისთვის მოქნილი საკანონმდებლო ბაზის შექმნის შესაძლებლობას მისცემს. პარლამენტარის აზრით, ბლოკჩეინს ქვეყნისთვის ახალი შესაძლებლობების შექმნა შეუძლია.
თავად პოლიტიკოსს ბიტკოინში ინვესტიცია ჯერ არ გაუკეთებია, თუმცა მომავალში აპირებს:
„ზოგისთვის კრიპტოვალუტა ინვესტიციაა, ზოგისთვის დიდი პოტენციალის მქონე ტექნოლოგია.
მაგალითად, ის აადვილებს და აჩქარებს გადახდებს, ჭკვიანი კონტრაქტები კი შესაძლებლობას იძლევა გადახდებს თვალყური ვადევნოთ, რაც პროცესს გამჭვირვალეს ხდის.“
ბოლო წლებში დიდ ბრიტანეთში კრიპტოვალუტების შესახებ კამათი მიმდინარეობს: მხარდამჭერები მიიჩნევენ, რომ ციფრული ვალუტები თავისუფალი ეკონომიკის საწინდარია.
კრიტიკოსები კი შიშობენ, რომ კრიპტოვალუტა არარეგულირებად ბაზარს წარმოშობს და რომ ბიტკოინის მსგავსი აქტივები მაღალი ვოლატილობის გამო საფრთხის შემცველია.
წლის დასაწყისში ჰენკოკმა განაცხადა, რომ დიდი ბრიტანეთი კრიპტოვალუტის ინდუსტრიის განვითარების ცენტრი უნდა გახდეს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)