Cardano-ს გუნდი Messari-ს ანალიტიკოსებზე განაწყენდა

Cardano-ს გუნდი Messari-ს ანალიტიკოსებზე განაწყენდა

Cardano-ს გუნდმა უკმაყოფილება იმის გამო გამოთქვა, რომ ADA ანალიტიკური კომპანია Messari-ის 2024 წლის ანგარიშში არ მოიხსენიეს.

Messari-ს ანგარიში 200 გვერდისგან შედგება და პირველი დონის ბლოკჩეინებისა და დეცენტრალიზებული ფინანსების (DeFi) ჩათვლით რამდენიმე თემასა და კომპანიას მოიცავს.

დოკუმენტში ბიტკოინი სულ 178-ჯერ არის ნახსენები, Ethereum 96-ჯერ, Solana 65 ჯერ, BNB ტექსტში სულ 5-ჯერ გვხვდება, XRP 3-ჯერ, ხოლო Cardano-ს შესახებ კი არც ერთი სიტყვა არ არის ნახსენები.

Cardano-ს ბლოკჩეინის დეველოპერი კომპანია Input Output Global-ის პრეზიდენტმა თამარა ჰაასენმა (Tamara Haasen) Messari-ს აღმასრულებელ დირექტორს რაიან სელკისს (Ryan Selkis) ამასთან დაავშირებით ახსნა-განმარტების გაკეთება სთხოვა.

„უბრალოდ გულწრფელად გვიპასუხეთ, რატომ არ გვახსენეთ მოხსენებაში? არ ინერვიულოთ, თქვენ ჩვენს გრძნობებს ვერ შეურაცხყოფთ. ნებისმიერ შემთხვევაში, Cardano-ს საზოგადოება კრიპტო მედიის მხარდაჭერის გარეშე გაიზარდა და განვითარებას განაგრძობს.“- წერს ჰაასენი სოციალურ ქსელ X-ში (ყოფილი Twitter).

პასუხად სელკისმა გნაცხადა, რომ ანგარიშის შედგენა ეკოსისტემების ეკონომიკური აქტივობის საფუძველზე მოხდა. დოკუმენტში არა მხოლოდ Cardano, არამედ არაერთი სხვა დიდი ბლოკჩეინი არ არის ნახსენები.

დისკუსიას Cardano-ს დამფუძნებელი ჩარლზ ჰოსკინსონიც (Charles Hoskinson) შეუერთდა და დაწერა, რომ Messari-ის კვლევის შესახებ საზოგადოების უკმაყოფილო კომენტარები თავისთავად მეტყველებს.

გასულ წელს ჰოსკინსონმა მისი პიროვნების მიმართ არასათანადო ყურადღების დათმობისთვის გამოცემა CoinDesk-ს უსაყვედურა.

22 დეკემბრის მონაცემებით, ADA-ს კურსმა 0,6151$ შეადგინა, ხოლო მონეტის საბაზრო კაპიტალიზაციამ 21,7 მილიარდი დოლარი.

მანამდე კრიპტოვალუტის ანალიტიკოსმა დენ გამბარდელომ (Dan Gambardello) გამოთქვა ვარაუდი, რომ ADA-ს ზრდა 2024 წელს დაგეგმილ ბიტკოინის ხალვინგის მოახლოებას უკავშირდება.

გამბარდელოს პროგნოზით, Cardano-ს კრიპტოვალუტის კურსი 11$-ს მიაღწევს.