Cardano-ს დამფუძნებელმა Solana-ს დამფუძნებლებს დასცინა

Cardano-ს დამფუძნებელმა Solana-ს დამფუძნებლებს დასცინა

Cardano-ს დამფუძნებელი ჩარლზ ჰოსკინსონი Solana-ს თანადამფუძნებლებთან პოლემიკაში ჩაერთო, რომლებმაც Cardano ზედმეტად ფრთხილი და ნელი განვითარების გამო გააკრიტიკეს.

ცოტა ხნის წინ, Twitter-ის ერთ-ერთმა მომხმარებელმა  ჩარლზ ჰოსკინსონი (Charles Hoskinson) დაახლოებით 10 თვის წინ ატვირთული პოდკასტის ტვიტზე მონიშნა .

 პოდკასტში მონაწილეობას Solana-ს თანადამფუძნებლები ანატოლი იაკოვენკო და რაჯ გოკალი იღებდნენ. მათ Cardano „აუჩქრებლობის“ გამო გააკრიტიკეს. წამყვანებმა სტუმრებს ბლოკჩეინების პრიორიტეტის მიხედვით ჩამოთვლა სთხოვეს. იაკოვენკომ კარდანო ბოლოს წინა ადგილზე დაასახელა და იხუმრა, რომ „ახლა  კარდანოზე საზიზღარი რაღაცეების ლაპარაკი მოდაშია“. პასუხად ჰოსკინსონმა დაწერა:

„Cardano-ს ძირითადად იმის გამო აკრიტიკებენ, რომ დეველოპერები პროგრამულ უზრუნველყოფას დიდი ყურადღებით წერენ.

სასწორზე მილიონობით მომხმარებლის მილიარდობით დოლარია და ათასობით ორგანიზაცია ინფრასტრუქტურას, როგორც შემოსავლის წყაროს ეყრდნობა. მაშინ დროა ამ ბიჭებმა საავადმყოფო ააშენონ.“- წერს ჰოსკინსონი.

ირონია იმაში მდგომარეობს, რომ მომხმარებლებმა ეს პოდკასტი ათი თვის შემდეგ  გაიხსენეს, რადგან Solana-ს ქსელი წელს რამდენჯერმე გაითიშა.

სულ ახლახანს Solana-მ  მარცხი კვლავ განიცადა – ქსელში ბლოკის წარმოება 6 საათით შეჩერდა.

ჰოსკინსონმა Solana-ს თანადამფუძნებლებს ეს სიტუაცია შეახსენა. მან მათთვის ვიდეოს ბმული გამოაქვეყნა, სადაც ნაჩვენებია როგორ უნდა შეკეთდეს ძველი სათამაშო კონსოლები და ხუმრობით დასძინა, რომ „შესაძლოა ეს ვიდეო გამოადგეთ.“

რამდენიმე დღის წინ ჰოსკინსონმა განაცხადა, რომ პროექტები, რომლებიც ძალიან სწრაფად ვითარდება,  მარცხისთვის არის განწირული. Terra-ს კრახი კი „მწვერვალის სწრაფად მიღწევის შემდეგ სისტემის კრახის“ თვალსაჩინო მაგალითად  შეიძლება ჩაითვალოს.