Cardano-ს ინვესტორების ორმა მესამედმა ზარალი განიცადა
ბოლო რამდენიმე დღის განმავლობაში Cardano-ს კურსი დაახლოებით 20%-ით დაეცა. მოცემული მომენტისთვის ინვესტორების ორი მესამედი ზარალს განიცდის.
ანალიტიკური სერვისის IntoTheBlock თანახმად, Cardano-ს ქსელში ახლა 1,03 მილიონი მისამართია, რომელთა მფლობელებმაც ADA მიმდინარეზე დაბალ ფასად შეიძინეს. ეს საფულეების მთლიანი რაოდენობის 20,27%-ს შეადგენს. მეორე მხრივ, 3,63 მილიონი მისამართის მფლობელები (71,32%) ზარალს განიცდიან.
თუ მონეტების მოცულობას გადავხედავთ, თანაფარდობა ოდნავ იცვლება – 18,85 მილიარდი ADA (27%) მიმდინარეზე დაბალი კურსით არის შეძენილი. 42 მილიარდი მონეტის მფლობელებმა (61%) ზარალი განიცადეს. მონეტების დარჩენილი 12% კი დაახლოებით იგივე ფასში იქნა შეძენილი.
საინტერესოა, რომ გრძელვადიან ინვესტიციებს ADA-ს საკმაოდ მცირე რაოდენობა წარმოადგენს – მონეტების უმეტესობა – 89% საფულეებში 12 თვეზე ნაკლები ხნის განმავლობაში ინახება.
რა თქმა უნდა ნვესტორები, რომლებმაც ADA ერთი წლის წინ შეიძინეს, მოგებაში არიან.
თუმცა, ვითარება შესაძლოა მალე შეიცვალოს – ივნისში Cardano-ს ქსელში ჰარდფორკი Vasil არის დაგეგმილი. Cardano-ს თანადამფუძნებლის, ჩარლზ ჰოსკინსონის (Charles Hoskinson) თქმით, ამ განახლებას საკმაოდ ბევრი დეცენტრალიზებული აპლიკაცია ელოდება.
თებერვლის დასაწყისში Cardano-ს ქსელში 3 მილიონზე მეტი მისამართი შეიქმნა. ახლა საფულეების რაოდენობა არანულოვანი ბალანსით 5,12 მილიონს შეადგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)