Cardano-ს ქსელში შთამბეჭდავი აქტივობა შეინიშნება

Cardano-ს ქსელში შთამბეჭდავი აქტივობა შეინიშნება

კომპანია Santiment-ის ანალიტიკოსებმა Cardano-ს ქსელში მზარდი აქტივობა დააფიქსირეს, რომლის შედეგადაც ADA-ს კურსი 7%-ით გაიზარდა და 2023 წლის მაქსიმალურ მაჩვენებელს მიაღწია.

ხუთშაბათს, 7 დეკემბერს  ADA-ს კურსმა 0,4554 დოლარს მიაღწია, ხოლო აქტივის საბაზრო კაპიტალიზაციამ 15,5 მილიარდი დოლარი შეადგინა.

აქტივის სავაჭრო მოცულობა 26,23%-ით გაიზარდა.

Santiment-ის ანალიტიკოსების ვარაუდით, ADA-ს ზრდის ტემპი შესაძლოა გამოწვეული იყოს იმით, რომ მცირე მოვაჭრეებმა კუთვნილი მონეტები აქტივის მსხვილ მფლობელებს ე.წ „ვეშაპებს“ მიჰყიდეს.

„მიუხედავად იმისა, რომ კრიპტოვალუტების უმეტესობა ოთხშაბათს დაეცა, Cardano-ს საბაზრო ღირებულება 7%-ით გაიზარდა. Cardano-ს მფლობელთა მისამართების საერთო რაოდენობა მცირდება, რაც კარგი ნიშანია. როგორც წესი, ეს იმაზე მიანიშნებს, რომ აქტივის მცირე მფლობელები თავიანთ აქტივებს „ვეშაპებზე“ ყიდიან.“ – აცხადებენ Santiment-ის ექსპერტები.

18 ნოემბერს ნულოვანი ნაშთების მქონე Cardano-ს მისამართების რაოდენობამ თითქმის ოთხთვიან პიკს მიაღწია,

ხოლო 14 ნოემბრიდან 22 ნოემბრის ჩათვლით მათი რაოდენობა საგრძნობლად შემცირდა. ამ პერიოდში ADA სულ 32100 მისამართიდან გაიყიდა.

აქტიური გაყიდვები ბოლოს სამი დღის წინ დაფიქსირდა და ნულოვანი ნაშთით 223 მისამართი დარჩა.

მკვლევარების დასკვნით, ზოგიერთი მცირე მოვაჭრე მონეტებს ზარალის მიუხედავად ყიდდა, რაც საბოლოო ჯამში „ვეშაპების“ სასარგებლოდ აისახება.

აგვისტოში Santiment-მა განაცხადა, რომ Cardano-ს საფულეების რაოდენობამ, რომლებზეც 100,000 ADA-ზე მეტია განთავსებული, 25,294 მისამართით 16 თვის მაქსიმუმს მიაღწია.

ანალიტიკოსისა და ტრეიდერის ალი მარტინესის (Ali Martinez) დაკვირვებით, ADA-მ ზრდის ისეთი ტრენდი აჩვენა, რომელიც პანდემიით გამოწვეული ვარდნის გამოკლებით 2018-2020 წლებში დაფიქსირდა.

მარტინესის პროგნოზით, ამ ტრენდის შენარჩუნების შემთხვევაში ADA 0.45$-ის ბარიერს გადალახავს. თუმცა, არ არის გამორიცხული, რომ დეკემბრის ბოლომდე Cardano-ს კრიპტოვალუტა 0.75$-მდე გაიზარდოს.

ADA-ს კურსის ზრდის პროგნოზი ცოტა ხნის წინ კრიპტოანალიტიკოსმა დენ გამბარდელომაც (Dan Gambardello) გააკეთა. მისი პროგნოზით, ADA-ს ღირებულება შესაძლოა 11$-მდე გაიზარდოს.

გამბარდელოს მოსაზრებით, აქტივის ზრდას მოახლოებული ხალვინგის ფონზე ხელს ბიტკოინის ზრდა შეუწყობს, რომელიც დადებითად სხვა ალტკოინებზეც აისახება.