Cardano-ს ბლოკჩეინზე ჰარდფორკი Alonzo გააქტიურდა

Cardano-ს ბლოკჩეინზე ჰარდფორკი Alonzo გააქტიურდა

12 სექტემბერს Cardano-ს ბლოკჩეინზე წარმატებით ამოქმედდა განახლება Alonzo, რომელიც ქსელში სმარტ კონტრაქტების გამოყენების შესაძლებლობას იძლევა. 

Cardano-ს ერთ-ერთი დეველოპერის, IOHK-ის ბლოგზე გამოქვეყნებული სტატიის თანახმად, Alonzo-ს სატესტო ქსელში რამდენიმეთვიანი შემოწმების შემდეგ მისი ამოქმედება Cardano-ს ძირითად ქსელში მოხდა. სმარტ კონტრაქტების დაწერა
Plutus-ის სკრიპტებზე გახდა შესაძლებელი. Plutus-ი – ეს არის Haskell-ის ფუნქციონალური პროგრამირების ენის გამოყენებით
სმარტ კონტრაქტების შემუშავების ენა. 

Alonzo-ს განახლება Goguen-ის ეპოქის მთავარი ნაწილია, რომელშიც ძირითადი ყურადღება სმარტ კონტრაქტების
შესაძლებლობების განვითარებას ეთმობა. Cardano Plutus-ის სკრიპტების ჩანერგვა ასევე დეცენტრალიზებული აპლიკაციების (dApps) შექმნას გახდის შესაძლებელს. თუმცა დეველოპერები იძლევიან გაფრთხილებას, რომ სანამ Cardano-ს ეკოსისტემა
dApps-ის ამოქმედებისთვის იქნება მზად გარკვეული დრო უნდა გავიდეს, რადგან პროტოკოლი განვითარებას განაგრძობს.

„მოდით განვმარტოთ. ქსელის განვითარებისას შეიძლება პრობლემები გაჩნდეს. მომხმარებლის პირველი გამოცდილება შეიძლება არ იყოს იდეალური. ზოგიერთ ადრეულ dApps-ს პრობლემები ექნება. ჩვენ თვალს მივადევნებთ როგორც შესანიშნავი ისე ცუდი დეველოპერების გუნდების მუშაობის პროცესს. ეს არის დეცენტრალიზებული ბლოკჩეინი, რომელსაც არავინ არ აკონტროლებს, ამიტომ ეს გარდაუვალია. ამ განახლებაზე დიდ იმედებს ამყარებენ და ბევრი მათგანი არ გამართლდება. ბევრი ელოდება dApps-ის მომხმარებლებისთვის გათვლილი რთული ეკოსისტემის გამოჩენას, რომელიც განახლებისთანავე იქნება ხელმისაწვდომი. ღირს მოვზომოთ მოლოდინები.“

Input Output სისტემის პროდუქტიულობის ანალიტიკოსის, ნილ დევისის (Neil Davies) სიტყვებით, Cardano-ს გუნდი განაგრძობს მუშაობას ქსელში სხვადასხვა გაუმჯობესების ჩანერგვაზე, მათ შორის ქსელის გამტარობის უნარის ოპტიმიზაციისთვის ტრანზაქციების სკრიპტების ზომების შემცირებისა და ოპტიმიზაციის ინიციატივებზე.

”ეს არის პირველი ეპოქა, როდესაც ქსელში განხორციელებული ტრანზაქციების რაოდენობამ ნახევარ მილიონს გადააჭარბა”, – თქვა მან YouTube-ზე პირდაპირი ეთერის დროს, რომელიც ჰარდფორკს წინ უძღოდა.

განახლებას ADA-ს ფასზე დადბითი ზეგავლენა ჯერ არ მოუხდენია.

წყარო: https://bits.media

Cardano-ს ბლოკჩეინზე ჰარდფორკი Alonzo გააქტიურდა