Cartier-ის მემკვიდრეს ბრალად USDT-ის მეშვეობით ნარკოვაჭრობის თანხების გათეთრება ედება

Cartier-ის მემკვიდრეს ბრალად USDT-ის მეშვეობით ნარკოვაჭრობის თანხების გათეთრება ედება

აშშ-ის ნიუ-იორკის სამხრეთ ოლქის პროკურატურამ Cartier-ის საიუველირო სახლის მემკვიდრე კოლუმბიის ხუთ მოქალაქესთან ერთად სტეიბლკოინ USDT-ს მეშვეობით ნარკოტრაფიკიდან მიღებული შემოსავლების გათეთრებაში დაადანაშაულა.

საქმის მასალების მიხედვით, 2020 წლიდან მაქსიმილიან დე ჰუპ კარტიე (Maximilien de Hoop Cartier) მართავდა პლატფორმას, რომელსაც კრიპტოვალუტებით არალეგალური ვაჭრობისთვის იყენებდა.

პლატფორმაზე ასობით მილიონი დოლარის უკანონო ტრანზაქცია განხორციელდა. აქედან 14,5 მილიონი დოლარის ლეგალიზება სტეიბლკოინ USDT-ს მეშვეობით მოხდა.

ფინანსური ტრანზაქციებისთვის გამოყენებული იქნა ფიქტიური კომპანიები, როგორიცაა შპს Bullpix Solutions, Vintech Capital LLC, VC Innovated Technologies LLC, AZ Technologies LLC, Softmill LLC.

„მაქსიმილიან დე ჰოოპ კარტიე და სხვა დაკავებულები წარმოადგენდნენ იმ ქსელის წევრებს, რომელიც კრიპტოვალუტებისა და აშშ-ს ფინანსური სისტემის მეშვეობით ნარკოტიკებით უკანონო ვაჭრობის შედეგად მიღებულ ასობით მილიონ დოლარს ათეთრებდა.“- განაცხადეს პროკურორებმა.

მაქსიმილიან დე ჰოოპ კარტიეს ბრალად ფულის გათეთრება, საბანკო თაღლითობა და ფულის გადარიცხვასთან დაკავშირებული არალიცენზირებული ბიზნეს საქმიანობის წარმოება ედება. მას და კოლუმბიის ხუთ მოქალაქეს ერთობლივი ბრალდებით ოც წელზე მეტი პატიმრობა ემუქრებათ.