Celsius Network-მა ინვესტორების წინაშე არსებული ვალდებულებების 93% დაფარა
Celsius-ის დროებითმა ადმინისტრაციამ აშშ-ს საზედამხედველო ორგანოებს კრედიტორების მიმართ კომპანიის ფინანსური ვალდებულებების, რომლებიც 2,5 მილიარდ დოლარს აღემატებოდა, 93%-ის დაფარვის შესახებ შეატყობინა.
სალიკვიდაციო კომისიის ხელმძღვანელობამ კრედიტორების წინაშე ვალდებულებების შესრულების შესახებ ანგარიში ნიუ-იორკის საოლქო გაკოტრების სასამართლოს გაუგზავნა.
მოხსენებაში ნათქვამია, რომ გაკოტრების პროცესის ფარგლებში თანხა 251 000-ზე მეტ კრედიტორს აუნაზღაურდა. ანაზღაურებას კიდევ 121,000 უფლებამოსილი კრედიტორი ელოდება.
„დარჩენილი კრედიტორებიდან დაახლოებით 64,000 ადამიანი 100 დოლარზე ნაკლები თანხის კომპესაციის მოლოდინშია, ხოლო დაახლოებით 41,000 ადამიანი 1000 დოლარამდე თანხის კომპესაციას ელის. თუ მცირე თანხებს გავითვალისწინებთ, ბევრისთვის ეს შესაძლოა მნიშვნელოვან ზარალს არ წარმოადგენდეს, რადგან კრედიტორებს სალიკვიდაციო კომისიისთვის გაწეული ზარალის ანაზღაურებისთვის ჯერ არ მიუმართავთ.“- ნათქვამია ანგარიშში.
Celsius-ის ადმინისტრაციის სპიკერის თქმით, გადახდები 16 იანვრის კურსით, „ლიკვიდური კრიპტოვალუტით“ და ნაღდი ფულის მეშვეობით განხორციელდა და კრედიტორები დაახლოებით 165 ქვეყნიდან მოიცვა.
მანამდე Celsius Network-ის დროებითმა ადმინისტრაციამ ნიუ-იორკის სამხრეთ ოლქის გაკოტრების სასამართლოში 39542 ბიტკოინის დაბრუნების მოთხოვნით სარჩელი კომპანია Tether-ის წინააღმდეგ შეიტანა. Tether-ში ამ ქმედებას გამოძალვა უწოდეს და განაცხადეს რომ გასაჩივრებას გეგმავენ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)