ციფრული ვალუტები არის ხიდი სახელმწიფოსა და კერძო სექტორს შორის

ციფრული ვალუტები არის ხიდი სახელმწიფოსა და კერძო სექტორს შორის

Mastercard-ის გადახდის სისტემის გენერალურ დირექტორს მაიკლ მიბახს მიაჩნია, რომ ცენტრალური ბანკის ციფრული
ვალუტები სახელმწიფო და კერძო გადახდის კომპანიებს შორის „ხიდის“ როლს შეასრულებენ.

გამომცემლობა Invezz-ის ცნობით, მაიკლ მიბახმა (Michael Miebach) ამის შესახებ ვირტუალურ კონფერენციაზე განაცხადა.  გადახდების გიგანტი Mastercard აქტიურად არის ჩართული კრიპტოვალუტების პოპულარიზაციაში. რამდენიმე დღის წინ
კომპანიამ პლატფორმა Bakkt-თან პარტნიორობის შესახებ გამოაცხადა, რომელიც  ბანკებსა და სავაჭრო ობიექტებს  Mastercard-ის გამოყენებით თავიანთ პროდუქტებსა და სერვისებში კრიპტოვალუტების ინტეგრირების შესაძლებლობას მისცემს.

მიბახის განცხადებით, გაზრდილია იმ მომხმარებელთა რიცხვი, რომლებიც ბარათებს კრიპტოაქტივების შესაძენად
იყენებენ. ის სახელმწიფო კრიპტოვალუტების თემასაც შეეხო და განაცხადა, რომ Mastercard-ი ბოლო დროს მათი
პოტენციალის შესწავლას განსაკუთრებულ ყურადღებას უთმობს. 

„ციფრული ვალუტების გადახდის სფეროში  გამოყენების ყველაზე რეალური სცენარია მათი მთავრობების მიერ გამოშვება. ჩვენ ამაზე ადრეც გვისაუბრია, ამიტომ უკვე ახლა ვამზადებთ ინფრასტრუქტურას სახელმწიფო სტეიბლკოინების დანერგვისთვის. ადრე თუ გვიან, ცენტრალური ბანკები მზად იქნებიან გამოუშვან საკუთარი
ციფრული ვალუტები, რომლებსაც გამოიყენებენ დოლართან ან ევროსთან ერთად, როგორც ანგარიშსწორების ვალუტას“- განაცხადა მიბახმა.

Mastercard-მა დაახლოებით ერთი წლის წინ  სახელმწიფო კრიპტოვალუტების ტესტირების პლატფორმა წარმოადგინა.
მიბახის თქმით, Mastercard-ს შეუძლია მნიშვნელოვანი როლი ითამაშოს მათ განვითარებასა და დანერგვაში, რადგან
პლატფორმა მთავრობებისა და კერძო საგადახდო ფირმებისთვის ერთობლივად მუშაობისთვის უსაფრთხო ვირტუალური
გარემო გახდება. აპრილში Mastercard-მა  ცენტრალური ბანკების ციფრულ ვალუტებში ჭკვიანი კონტრაქტების დანერგვის შესაძლებლობის შესწავლა დაიწყო, ამ ინსტრუმენტების შესაძლებლობების გაფართოებისთვის.

წყარო: https://bits.media/

ციფრული ვალუტები არის ხიდი სახელმწიფოსა და კერძო სექტორს შორის

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას