ჩინეთმა Tradingview, CoinGecko და CoinMarketCap-ს წვდომა შეუზღუდა

ჩინეთმა Tradingview, CoinGecko და CoinMarketCap-ს წვდომა შეუზღუდა

ჩინეთის ხელისუფლებამ  ბრძოლა არა მხოლოდ კრიპტოვალუტებთან დაკავშირებულ ფინანსურ ოპერაციებთან, არამედ საინფორმაციო სერვისებთანაც დაიწყო. CoinGecko, CoinMarketCap და Trading View შავ სიაში მოხვდნენ.

ჩინეთმა მოქალაქეებს ცნობილ საინფორმაციო საიტებსა და კრიპტოვალუტის ბაზრის მონაცემთა პროვაიდერებზე – CoinGecko, CoinMarketCap და TradingView-ზე წვდომა შეუზღუდა. ჩინელმა კრიპტო ენთუზიასტებმა სოციალურ ქსელებში პროტესტის გამოხატვა დაიწყეს, რადგან საიტებზე შესვლას ვერ ახერხებდნენ. 

ცოტახნის წინ გავრცელებული განცხადებების საპირისპიროდ, რომ თითქოს პროვაიდერებმა ჩინეთის IP ქვექსელები თავად დაბლოკეს, გავრცელდა ინფორმაცია, რომ ეს უშუალოდ ჩინეთის მთავრობამ გააკეთა. იმის შესახებ, რომ ჩინელი მომხმარებლების მისამართები არ დაუბლოკავთ განცხადება CoinGecko-ს თანადამფუძნებელმა და ოპერაციულმა დირექტორმა ბობი ონგმა (Bobby Ong) გააკეთა:

„როგორც ჩანს, ჩინეთი კრიპტო ინდუსტრიის წინააღმდეგ რეპრესიებს აძლიერებს და ამჯერად CoinGecko შავ სიაში მხოლოდ კრიპტოვალუტის შესახებ ინფორმაციის გამო მოხვდა.“

ჩინეთის მთავრობის აკრძალვები მესენჯერებსაც შეეხო. ჩინურ WeChat-ში კრიპტოვალუტის თემატიკის ჯგუფების ადმინისტრატორებმა ჯგუფებს დასახელებები შეუცვალეს და გააფრთხილეს მომხმარებლები მათი Telegram-ში გადატანის შესახებ. გარდა ამისა, WeChat-ში სულ უფრო მეტი ინფორმაცია ჩნდება იმაზე, თუ როგორ შეიძლება დაბლოკვის არიდება VPN-ის მეშვეობით.

ზაფხულის დასაწყისში ჩინურმა საძიებო სისტემებმა Baidu და Sogou-მ შეწყვიტეს ბმულების მიწოდება კრიპტოვალუტის სამ ბირჟაზე Binance, Huobi და OKEx. სოციალურმა ქსელებმა Weibo-მ (Twitter-ის ანალოგი) და Zhihu-მ (Quora-ს ანალოგი) კი  ჩინურ ბირჟებზე წვდომა შეზღუდეს.

წყარო: https://bits.media

ჩინეთმა Tradingview, CoinGecko და CoinMarketCap-ს წვდომა შეუზღუდა

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას