ჩინეთში კრიპტოვალუტის აკრძალვა ბიტკოინს აძლიერებს
აშშ -ს ეროვნული უშიშროების სააგენტოს ყოფილი თანამშრომელი ედუარდ სნოუდენი მიიჩნევს, რომ კრიპტოვალუტის წინააღმდეგ ჩინეთის ხელისუფლების ამკრძალავი ზომები ბიტკოინის ზრდას ხელს არ შეუშლის.
ჩინეთის მთავრობამ კრიპტოვალუტის ინდუსტრიის წინააღმდეგ ზომები გაამკაცრა. მარეგულირებელი
ორგანოების მოთხოვნით, ბევრმა სავაჭრო პლატფორმამ, მათ შორის ბირჟა KuCoin-მაც, ჩინელი მომხმარებლების
ანგარიშები დახურა. ჩინური მაინინგ პულები იძულებულნი არიან ქვეყანაში ფუნქციონირება შეწყვიტონ, მაინინგისთვის
საჭირო აღჭურვილობის მწარმოებლები კი აპირებენ ჩინეთში მოწყობილობების მიწოდებაზე უარი თქვან.
არსებული სიტუაციის მიუხედავად, NSA-ს ყოფილმა თანამშრომელმა ედუარდ სნოუდენმა (Edward Snowden) ტვიტერზე დაწერა, რომ ჩინეთში მაინინგისა და კრიპტოვალუტის აკრძალვა მხოლოდ აძლიერებს ბიტკოინს და მის მიმართ საზოგადოების ნდობას ამყარებს. სნოუდენმა აღნიშნა, რომ 2020 წლის მარტიდან იმ ადამიანების რიცხვი, ვინც ბიტკოინში ინვესტიცია ჩადო, ათჯერ გაიზარდა. ინვესტორები სულ უფრო მეტად ინტერესდებიან ბიტკოინით, მიუხედავად მთავრობის კოორდინირებული მოქმედებებისა, რომლებიც მომხმარებლებს კრიპტოვალუტაში ინვესტიციის რისკების შესახებ აფრთხილებენ. კრიპტოვალუტის ბაზარი ახლა ზრდას განიცდის. 3 ოქტომბერს, ბიტკოინის კურსმა 49000 აშშ დოლარს გადააჭარბა, ეთერიუმი კი 3480 დოლარამდე გაიზარდა.
Bloomberg-ის უფროსმა ETF ანალიტიკოსმა ერიკ ბალჩუნასმა (Eric Balchunas) ასევე გააზიარა თავისი მოსაზრებები ბიტკოინის შესახებ. მან Twitter-ზე დაწერა, რომ უკვე ამ თვეში აშშ-ს ფასიანი ქაღალდების კომისიამ (SEC) შესაძლოა ბიტკოინის იმ გაცვლითი სავაჭრო ფონდების ამოქმედება დაუშვას, რომლებიც ფიუჩერსულ კონტრაქტებში ახდენენ ინვესტირებას. ბალჩუნასის აზრით, ამერიკული მარეგულირებლის მიერ ბიტკოინის ფიუჩერსული ETF-ის დაშვების ალბათობა 75%-ია, რადგანაც იგი 1940 წლის საინვესტიციო კომპანიების შესახებ კანონთან მოდის შესაბამისობაში. ამ საინვესტიციო პროდუქტების ამოქმედებას ცოტახნის წინ SEC-ის თავმჯდომარე გარი გენსლერმაც (Gary Gensler) დაუჭირა მხარი.
ადრე სნოუდენი ბიტკოინს მისი ქსელის გამჭვირვალობის მიზეზით აკრიტიკებდა და სიმპათიას ZCash-ის კრიპტოვალუტის მიმართ გამოხატავდა მისი კონფიდენციალურობის გამო.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)