ციფრულ ვალუტას შეუძლია აშშ დოლარზე დამოკიდებულება შეამციროს
აშშ -ს ფედერალური სარეზერვო სისტემის ანგარიშის თანახმად, გრძელვადიან პერსპექტივაში ციფრულ ვალუტებს
შეუძლიათ დოლარის გლობალურ საფინანსო სისტემაში დომინირებას დაუპირისპირდნენ.
ამ კვირაში აშშ-ს ფედერალურმა სარეზერვო სისტემამ (FRS) აშშ დოლარის საერთაშორისო როლის შესახებ ანგარიში
გამოაქვეყნა. ფედერალური რეზერვის საერთაშორისო ფინანსების დეპარტამენტის ხელმძღვანელები მიიჩნევენ,
რომ უახლოეს მომავალში დოლარი გლობალურ ფინანსურ სისტემაში პრივილეგირებულ პოზიციას არ დაკარგავს.
ფედერალურმა რეზერვმა გამოავლინა სამი პოტენციური კონკურენტი, რომელთაც გრძელვადიან პერსპექტივაში დოლარის ჰეგემონიასთან
დაეპირისპირება შეუძლიათ: ევროკავშირი, ჩინეთი და ციფრული ვალუტა.
„გადახდის სტრუქტურის ცვლილება აშშ დოლარის დომინირებისთვის შესაძლოა პრობლემა გახდეს. მაგალითად, როგორც კერძო, ისე “სახელმწიფო ციფრული ვალუტების სწრაფმა ზრდამ, შეიძლება აშშ დოლარზე დამოკიდებულება შეამციროს“- ნათქვამია მოხსენებაში.
მაისში ამერიკელმა კანონმდებლებმა ფედერალური რეზერვისგან ციფრული დოლარის განვითარების სტატუსის შესახებ
ანგარიშის ჩაბარება მოითხოვეს. დაახლოებით ამავე დროს, ფედერალური სარეზერვო სისტემის დირექტორთა საბჭოს
წევრმა ლაელ ბრეინარდმა (Lael Brainard) განაცხადა, რომ ქვეყანა სახელმწიფო ციფრული ვალუტის შემუშავებაში
მოწინავე უნდა იყოს, რათა აშშ დოლარის, როგორც გლობალური სარეზერვო ვალუტის როლი გაძლიერდეს. თუმცა, Fed-ს სახელმწიფო კრიპტოვალუტის გამოშვებაზე კონკრეტული ვალდებულებები ჯერ არ აუღია და არც მისი განვითარების გეგმა წარმოუდგენია.
ამ დროს, ჩინეთი ციფრული იუანის ტესტირებას აგრძელებს. ტესტირების მასშტაბით თუ ვიმსჯელებთ, მაგალითად, ოპერაციებით შიდა ფიუჩერსულ ბაზარზე ან პეკინის მეტროში მგზავრობის საფასურის გადახდით, ეჭვგარეშეა, რომ ქვეყანა სახელმწიფო კრიპტოვალუტის დანერგვის ბოლო ეტაპზეა.
წყარო: https://bits.media
DeFi Indexed Finance, DEGEN, NFTP და ORCL5 კიბერშეტევის დროს არ დაზიანებულა., ბიტკოინ საქართველო, ბიტკოინი, დეცენტრალიზებული, კრიპტოვალუტა, პლატფორმა, ჰაკერი, ჰაკერმა 16 მილიონი მოიპარაDeFi Indexed Finance, DEGEN, NFTP და ORCL5 კიბერშეტევის დროს არ დაზიანებულა., ბიტკოინ საქართველო, ბიტკოინი, დეცენტრალიზებული, კრიპტოვალუტა, პლატფორმა, ჰაკერი, ჰაკერმა 16 მილიონი მოიპარა
ციფრულ ვალუტას შეუძლია აშშ დოლარზე დამოკიდებულება შეამციროს
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)