Circle-ის იაპონური ფილიალი USDC-ს გაყიდვას იწყებს
ამერიკულმა კომპანიამ Circle და იაპონურმა ფინანსურმა კონგლომერატმა SBI Holdings ციფრული აქტივების ადგილობრივ ბაზარზე სტეიბლკოინ USDC-ის მიმოქცევაში გაშვების შესახებ გამოაცხადეს.
სტეიბლკოინით ვაჭრობის დაწყება 26 მარტს არის დაგეგმილი კრიპტოვალუტის პლატფორმა SBI VC Trade-ზე, რომელსაც SBI Group აკონტროლებს. Circle-ის წარმომადგენელთა განცხადებით, ქვეყანაში მოქმედი სხვა კრიპტო ბირჟები, მათ შორის Binance Japan, Вitbank და ВitFlyer USDC-ის ლისტინგს უახლოეს მომავალში აპირებენ.
Circle-ის აღმასრულებელი დირექტორის ჯერემი ალერის (Jeremy Allaire) განცხადებით, USDC გახდა პირველი და ერთადერთი სტეიბლკოინი, რომელიც იაპონიის ფინანსური სერვისების სააგენტოს (FSA) მიერ ადგილობრივ ბაზარზე იქნა დაშვებული.
„ჩვენ თითქმის ორი წლის მანძილზე ვმუშაობდით იაპონელ მარეგულირებლებთან, ინდუსტრიის მთავარ მოთამაშეებთან, სტრატეგიულ პარტნიორებთან, საბანკო ჯგუფებთან, რათა USDC იაპონიის ბაზრისთვის ხელმისაწვდომი ყოფილიყო.“ – თქვა ალერმა.
მანამდე იაპონიის ფინანსური სერვისების სააგენტომ განაცხადა, რომ ადგილობრივ კრიპტო ბაზარზე სტეიბლკოინების შეთავაზების აკრძალვის გაუქმების პირობებზე მუშაობს.
დეპარტამენტმა ხაზგასმით აღნიშნა, რომ აკრძალვების მოხსნა ბაზარზე ყველა სტეიბლკოინზე ავტომატურ წვდომას არ ნიშნავს. ემიტენტებს თავიანთი აქტივების უსაფრთხოების დასამტკიცებლად სავალდებულო ინდივიდუალური შემოწმების გავლა მოუწევთ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)