Circle-ის ტოპ მენეჯერმა კონკურენტებს საკუთარი სტეიბლკოინების გამოშვებაზე უარის თქმა ურჩია
by Giorgi 
Circle-ის ტოპ მენეჯერმა კონკურენტებს საკუთარი სტეიბლკოინების გამოშვებაზე უარის თქმა ურჩია
სტეიბლკოინ USDC-ის ემიტენტი კომპანია Circle-ის კომერციულმა დირექტორმა, კაშ რაძაგიმ (Kash Razzaghi) კომპანიებს, რომლებიც საკუთარი სტაბილური კრიპტოვალუტების გამოშვების შესაძლებლობას იკვლევენ, ამის გაკეთებამდე კარგად დაფიქრებისკენ მოუწოდა.
რაძაგის განმარტებით, ტოკენის გამოშვება მარტივია, მაგრამ გლობალურად სანდო სტაბილური კრიპტოვალუტის მართვა საიმედო ინფრასტრუქტურას და კანონმდებლობის დაცვას მოითხოვს.
მისი თქმით, სტეიბლკოინებთან მუშაობა გაცილებით მეტს მოიცავს, ვიდრე უბრალოდ პროგრამირებაა: ემიტენტებმა უნდა მართონ რეზერვები რეალურ დროში, დაუკავშირდნენ მრავალ საბანკო პარტნიორს, ჩაატარონ რეგულარული დამოუკიდებელი აუდიტი და უზრუნველყონ 24/7 მონიტორინგი.
თუ სტეიბლკოინების ემიტენტი კომპანიები ეკოსისტემის შესანარჩუნებლად ამ ყველაფრის უზრუნველყოფას ვერ შეძლებენ, შესაძლოა მასშტაბური დარღვევებისა და სტეიბლკოინების ფიატურ ვალუტასთან მიბმის დაკარგვის რისკის წინაშე აღმოჩნდნენ.
Circle-ის ტოპ მენეჯერის განცხადებით, ბიზნესების უმეტესობისთვის ოპერაციული ტვირთი ხშირად მათ მოლოდინს ბევრად აღემატება, განსაკუთრებით მაშინ, როდესაც ისინი დიდი კომპანიების მომსახურებას ან საერთაშორისო ბაზარზე შესვლას იწყებენ.
რაძაგის თქმით, სტეიბლკოინების წარმატების გასაღები ლიკვიდურობა და სანდოობაა. 300-ზე მეტი სტაბილური ციფრული კრიპტოვალუტის არსებობის მიუხედავად, გლობალური პოპულარობა მხოლოდ რამდენიმე მათგანმა მოიპოვა.
2025 წელს სტეიბლკოინების ბაზარმა 300 მილიარდ დოლარს გადააჭარბა, ხოლო USDC-მ წელი 75 მილიარდ დოლარზე მეტი საბაზრო კაპიტალიზაციით დაასრულა, განაცხადა რაძაგიმ. მან კომპანიებს, რომლებიც საკუთარი ტოკენების გამოშვებას განიხილავენ, ამ იდეაზე უარი თქმა და ბაზრის არსებულ ძირითად მოთამაშეებთან პარტნიორობის განხილვა ურჩია, რითაც Circle-ზე მიანიშნა.
სიახლეების გამოწერა
