Circle საფრანგეთში საქმიანობისთვის ორ ლიცენზიას ითხოვს

Circle საფრანგეთში საქმიანობისთვის ორ ლიცენზიას ითხოვს

სტეიბლკოინების ემიტენტმა კომპანიამ Circle საფრანგეთში საქმიანობისთვის ორ ლიცენზიაზე შეიტანა განაცხადი.

კომპანიის განცხადებაში ნათქვამია, რომ წარმატებული რეგისტრაცია ამერიკულ კომპანიას საკუთარი პროდუქტის ევროპელი მომხმარებლისთვის შეთავაზების შესაძლებლობას მისცემს.

ბოსტონურმა Circle-მა ორი ცალკე განაცხადი შეიტანა – პირველი რეგისტრირებული ციფრული აქტივების სერვისის პროვაიდერის (DASP), ხოლო მეორე ელექტრონული ფულის  გამცემის ლიცენზიის მოსაპოვებლად.

„მოხარულები ვართ ჩვენი ევროპული ზრდის სტრატეგია გავააქტიუროთ.“ – განაცხადა Circle-ის აღმასრულებელმა დირექტორმა ჯერემი ალერმა (Jeremy Allaire).

Circle-ის სურსვილია, მისი ევროზე მიბმული სტეიბლკოინი EUROC  ევროკავშირის კრიპტო აქტივების ბაზრების  რეგლამენტს (MiCA) შეესაბამებოდეს.

იანვარში საფრანგეთის ეროვნულმა ასამბლეამ მხარი ახალი კრიპტოვალუტის კომპანიებისთვის ლიცენზირების უფრო მკაცრი წესების შემოღებას დაუჭირა.

ლიცენზიის მოსაპოვებლად კრიპტოვალუტის კომპანიებმა უნდა დაამტკიცონ, რომ ისინი კლიენტის თანხებს საკუთარისგან განცალკევებით ინახავენ.

კრიპტო კომპანიებს ასევე მომხმარებელთა უფლებების დაცვა, მარეგულირებლისთვის რეგულრული მოხსენების ჩაბარება და პოტენციური რისკების შესახებ მომხმარებლების გაფრთხილება მოეთხოვებათ. გამკაცრებული ლიცენზირების  წესები 1 ივლისიდან დარეგისტრირებულ კრიპტო ფირმებზე გავრცელდება.

ამერიკული ბანკის Silicon Valley Bank (SVB) ბოლოდროინდელმა კოლაფსმა ბაზრის არეულობა გამოიწვია, რის შედეგადაც სტეიბლკოინ USDC-ის ფასი რაღაც დროით დოლარზე ქვევით დაეცა. 0,8 სწრაფად აღდგა, როგორც კი Circle-მა გამოაცხადა, რომ კომპანიას SVB-სთან დაკავშირებული 3,3 მილიარდი დოლარის რეზერვები ჰქონდა.