Coinbase ხუთი ტოკენის დელისტინგს მოახდენს

Coinbase ხუთი ტოკენის დელისტინგს მოახდენს

ამერიკული კრიპტო ბირჟა Coinbase ხუთი კრიპტოაქტივით ვაჭრობას შეაჩერებს. ესენია: Clover Finance (CLV), EOS (EOS), League of Kingdoms Arena (LOKA), Muse Dao (MUSE) და Wrapped Centrifuge (WCFG).

ბირჟის გუნდმა ეს გადაწყვეტილება მომხმარებლების ბოლოდროინდელი გამოხმაურების საფუძველზე მიიღო.

ტოკენების დელისტინგი – პლატფორმებიდან Coinbase Exchange და Coinbase Prime მათი ამოღება 26 ნოემბერს არის დაგეგმილი.

ტოკენების პლატფორმებიდან ამოღებას, როგორც წესი, მათზე უარყოფითი გავლენა აქვს, რადგან მცირდება მათი ლიკვიდობა და ხელმისაწვდომობა, ასევე ზიანდება მათი რეპუტაცია.

ბირჟის გადაწყვეტილებამ ტოკენების ფასის მნიშვნელოვანი ვარდნა უკვე გამოიწვია.

ყველაზე მეტად MUSE დაზარალდა, რომელიც ბოლო 24 საათის განმავლობაში 24%-ით დაეცა. 13%-ით დაეცა LOKA , ხოლო WCFG 9%-ით.

Coinbase ცდილობს თავის პლატფორმას ახალი, პერსპექტიული აქტივები დაამატოს.

ივლისში კომპანიამ სამომავლო სარეალიზაციო გეგმაში ტოკენები BankrCoin (BNKR), Jito Staked SOL (JITOSOL) და Metaplex (MPLX) შეიტანა, რაც ლისტინგის წინამორბედ ეტაპს წარმოადგენს.

ერთი თვის წინ, Coinbase-მა სარეალიზაციო გეგმაში (ე.წ როადმაპი) უმსხვილესი კრიპტო ბირჟა Binance-ის კრიპტოვალუტა, BNB დაამატა.

Binance-ის ყოფილმა აღმასრულებელმა დირექტორმა ჩენპენ ჯაომ ამაში ცუდი ვერაფერი დაინახა.

მან დაწერა, რომ Binance-მა ბოლო წლებში Coinbase-ის ეკოსისტემიდან რამდენიმე პროდუქტი განათავსა და კონკურენტ ბირჟას BNB Chain-ზე დაფუძნებული პროექტების აქტიური დამატებისკენ მოუწოდა.

ცოტა ხნის, Coinbase-მა აშშ-ის ხაზინის დეპარტამენტს მოუწოდა, ბირჟებს სტაბილური კრიპტოვალუტების მფლობელებისთვის პროცენტის გადახდა არ აუკრძალოს. კრიპტო ბირჟის განცხადებით, აკრძალვა მხოლოდ ემიტენტებს უნდა შეეხოს.

წყარო: https://cryptopotato.com/coinbase-says-goodbye-to-5-altcoins-prices-collapse-instantly/#:~:text=Based%20on%20the%20recent%20reviews,Coinbase%20Exchange%2C%20and%20Coinbase%20Prime.