Coinbase და Kraken „ყალბი ბიტკოინით“ვაჭრობენ

Coinbase და Kraken „ყალბი ბიტკოინით“ვაჭრობენ

Coinbase და Kraken „ყალბი ბიტკოინით“ვაჭრობაში დაადანაშაულეს.

სკანდალურად ცნობილმა ავსტრალიელმა ბიზნესმენმა კრეიგ რაიტმა კრიპტოვალუტის ბირჟების Coinbase და Kraken-ის წინააღმდეგ „ყალბი ბიტკოინით“ ვაჭრობის მიზეზით სარჩელი შეიტანა.

იურიდიულმა ფირმამ Ontier, რომელიც  თვითგამოცხადებული „ბიტკოინის შემქმნელის“, კრეიგ რაიტის (Craig Wright) ინტერესებს წარმოადგენს, 29 აპრილს სავაჭრო პლატფორმების Coinbase და Kraken წინააღმდეგ სარჩელი შეიტანა.

Ontier-ის იურისტების განცხადებით, კრიპტოვალუტა, რომელიც  BTC-ის სახელითაა ცნობილი, რეალურად არის მხოლოდ „ბიტკოინის ბირთვი“ და ერთადერთ კრიპტოვალუტას, რომელიც ბიტკოინის  პროტოკოლს სრულად ახორციელებს კრიპტო აქტივი BSV (Bitcoin Satoshi Vision) წარმოადგენს.

რაიტის მტკიცებით,  Coinbase-ისა და Kraken-ის მიერ „ფაქტების დამახინჯებამ“  ინვესტორებსა და ტრეიდერებს შორის იმ კრიპტო აქტივების ავთენტურობასთან დაკავშირებით, რომლებსაც ისინი ყიდულობენ და ყიდიან დაბნეულობა გამოიწვია.

მოსარჩელეები ბირჟებისთვის  ბიტკოინით ვაჭრობის შეთავაზების, ასევე მისი ნიშნისა და სახელის „არასათანადოდ“ გამოყენების აკრძალვას მოითხოვენ.

„ეს ქმედებები კრიპტოვალუტის ბაზარზე თამაშის წესებს ცვლის. თუ BTC ბიტკოინის ორიგინალურ პროტოკოლს მკაცრად არ შეესაბამება, მას არ შეიძლება ბიტკოინი ეწოდოს, არ შეიძლება მისით ვაჭრობა ან მისი ამგვარად მოხსენიება.

კრიპტო აქტივების მფლობელებმა ზუსტად უნდა იცოდნენ რას ყიდულობენ.

ბიტკოინი შექმნილი იყო, როგორც peer-to-peer ელექტრონული გადახდის სისტემა და არა როგორც დაგროვების საშუალება“ – განაცხადა Ontier-ის ადვოკატმა საიმონ კოენმა (Simon Cohen).

გასული წლის დასაწყისში რაიტმა საავტორო უფლებების დარღვევაში საიტები bitcoin.org და bitcoincore.org დაადანაშაულა და მათგან პლატფორმებიდან ბიტკოინის თეთრი წიგნის ამოშლა მოითხოვა.

Bitcoin.org-ის ადმინისტრატორმა ფსევდონიმით „კობრა“ ამაზე უარი განაცხადა და საქმე სასამართლომდე მივიდა.

ექვსი თვის შემდეგ, ლონდონის სასამართლომ დოკუმენტზე რაიტის უფლებები დაუსაბუთებლად აღიარა.

სასამართლომ Cobra-ს ბიტკოინის თეთრი წიგნის თავისი ვებსაიტიდან ამოღება და რაიტისთვის იურიდიული მომსახურების საფასურის გადახდა დააკისრა.