Coinbase იურისდიქციის შეცვლას გეგმავს

Coinbase იურისდიქციის შეცვლას გეგმავს

ამერიკული კრიპტოვალუტის ბირჟა Coinbase იურისდიქციის შეცვლას გეგმავს.

ეროვნული კრიპტო კომპანიებისთვის საკანონმდებლო და საბანკო გარემოს გაუარესების ფონზე, Coinbase ახალი კრიპტოვალუტის სავაჭრო პლატფორმის ამოქმედებას აშშ-ს ფარგლებს გარეთ გეგმავს.

Bloomberg-ის ცნობით, Coinbase Global-მა კრიპტოვალუტის სავაჭრო პლატფორმის საზღვარგარეთ შექმნის გეგმების შესახებ საერთაშორისო ბაზრის შემქმნელებთან წინასწარი მოლაპარაკებები დაიწყო.

გეგმის მიხედვით, საწყის ეტაპზე Coinbase-ის ალტერნატიული პლატფორმა გლობალური მომხმარებლების მომსახურებაზე იქნება ორიენტირებული.

ეს ზომები კომპანიას შესაძლებლობას მისცემს  მხარი აუაროს იმ მრავალრიცხოვან შეზღუდვებს, რომლებიც შეერთებულ შტატებში, ბირჟის მთავარ ბაზარზე მარეგულირებლების მიერ არის დაწესებული.

Bloomberg-ის წყაროების თანახმად, Coinbase-ს ჯერ არ აქვს გადაწყვეტილი თუ სად დაფუძნდება მომავალი პლატფორმა და შესაძლოა კომპანიის ახალი სათაო ოფისიც.

ალტერნატივად დიდი ბრიტანეთი, ირლანდია, გერმანია, ესპანეთი, იტალია, საფრანგეთი, ნიდერლანდები და შვეიცარია განიხილება.

მიუხედავად საკუთარი ლოიალურობის დემონსტრირებისა, Coinbase-ს აშშ-ს მარეგულირებლებთან რთული ურთიერთობა აქვს, რაც რიგი ექსპერტების აზრით, სამთავრობო ორგანოების პოზიცის შედეგია, რომლებიც კრიპტოვალუტის ინდუსტრიას უარყოფითად აღიქვამენ.

ცოტა ხნით ადრე, Coinbase-ის ადმინისტრაციამ სასამართლოს მისი ყოფილი მენეჯერების – ნახილ ვაჰისა (Nikhil Wahi) და ისან ვაჰის (Ishan Wahi) საქმეზე კერძო მოსაზრება წარუდგინა.

კომპანიის ყოფილ თანამშრომლებს ფასიანი ქაღალდებისა და ბირჟების კომისია (SEC) ფასიანი ქაღალდებით ინსაიდერულ ვაჭრობაში ადანაშაულებს. ბირჟა მათი მხრიდან დანაშაულის ჩადენას უარყოფს და სასამართლოს გადაწყვეტილების გადახედვას ითხოვს.