კრიპტოვალუტის ბირჟა Coinbase დეცენტრალიზებული ფინანსების (DeFi) პროექტებთან თანამშრომლობისთვის Chicago DeFi Alliance-ს (CDA) შეუერთდა.
CDA ალიანსი 2020 წლის აპრილში DeFi-ის სფეროში განვითარებადი სტარტაპების მენტორობისა და დაფინანსებისთვის შეიქმნა. DeFi Alliance-ს კრიპტოვალუტების პლატფორმებისა და ფინანსური ფირმების წარმომადგენლები უძღვებიან. მათ შორის არიან Volt Capital-ის თანადამფუძნებელი იმრან ხანი (Imran Khan), CMT Digital-ის აღმასრულებელი დირექტორი კოლინ სალივანი (Colleen Sullivan), Compound-ის დამაარსებელი რობერტ ლეშნერი (Robert Leshner) და Aave-ს ხელმძღვანელი სტანი კულეჩოვი (Stani Kulechov).
Coinbase has joined the @defialliance, an open association supporting DeFi startups. We look forward to working together to grow the cryptoeconomy.
— Coinbase 🛡️ (@coinbase) April 8, 2021
Coinbase-ის აღმასრულებელმა დირექტორმა, ბრაიან არმსტრონგმა (Brian Armstrong) CDA-ში გაერთიანების მთავარ მიზეზად ბირჟისთვის DeFi-ს აპლიკაციებთან წვდომის პრიორიტეტულობა დაასახელა. თავის მხრივ, Chicago DeFi Alliance-ის პარტნიორმა, ჯეიკობ ფრანეკმა (Jacob Franek) Coinbase-თან თანამშრომლობას „ბუნებრივი“ უწოდა, რადგან მათ DeFi-სთან დაკავშირებით საერთო ხედვა და მისია აკავშირებთ.
ალიანსის მისია ღია ფინანსური სისტემის შექმნაა, რაშიც DeFi-ს მნიშვნელოვანი როლის შესრულება შეუძლია. CDA მზად არის ითანამშრომლოს ნებისმიერ დაინტერესებულ მხარესთან, რომელიც DeFi-ს ახალბედა პროექტებისთვის მხარდაჭერის მზაობას გამოთქვამს.
წყარო:https://www.coindesk.com
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)