კრიპტოვალუტის ბირჟამ Coinbase და ფიუჩერსების სავაჭრო კომისიამ (CFTC) მიაღწიეს შეთანხმებას, რომლის მიხედვითაც ბირჟა 6.5 მილიონი დოლარის ჯარიმას გადაიხდის.
შეთანხმებაში ნათქვამია, რომ CFTC-ისთვის ჯარიმის გადახდის შემდეგ, Coinbase-ს მოეხსნება ორი ბრალდება: 2016 წელს კომპანიის ერთ-ერთი თანამშრომლის მიერ 6 კვირის განმავლობაში სავაჭრო მოცულობის მონაცემების გაყალბება და პლატფორმა GDAX-ზე სავაჭრო საქმიანობის შესახებ მცდარი ინფორმაციის განთავსება.
„2015 წლის იანვრიდან 2018 წლის სექტემბრამდე პერიოდში, ბირჟა Coinbase მის მიერ მართულ ელექტრონულ პლატფორმა GDAX-ზე ავრცელებდა ყალბ მონაცემებს, საეჭვო და არაზუსტ ანგარიშებს ციფრული აქტივების, მათ შორის ბიტკოინის ტრანზაქციების შესახებ.“- ნათქვამია ამერიკული მარეგულირებლის განცხადებაში.
შეგახსენებთ, რომ პლატფორმა GDAX განკუთვნილი იყო ინსტიტუციონალური ინვესტორებისთვის. მოგვიანებით მას Coinbase Pro ეწოდა. GDAX-სა და პროექტ Hedger-ს შორის თანხების გადარიცხვა მიჩნეულ იქნა სავაჭრო მოცულობად, რაც CFTC-ის აზრით შეცდომაა.
„CFTC- მა აღმოაჩინა, რომ 2016 წლის აგვისტოსა და სექტემბერში, ექვსი კვირის განმავლობაში Coinbase-ის თანამშრომელი BTC/LTC წყვილში ყიდვა-გაყიდვის შეკვეთების განსათავსებლად გარკვეულ მანიპულაციებს იყენებდა, რაც წყვილში ლიკვიდურობასა და სავაჭრო აქტიურობაზე არასწორ წარმოდგენას ქმნიდა. ყალბი გარიგებები დღიური სავაჭრო მოცულობის 0.62% დან 99% შეადგენდნენ. თანამშრომლის ამ ქმედებაზე პასუხისმგებლობას ჩვენ Coinbase-ს ვაკისრებთ.“- ნათქვამია განცხადებაში.
ამასთან CFTC-ის კომისარმა, დოუნ სტამპმა (Dawn Stump) ხაზი გაუსვა, რომ ეს ცალკე გამოძიებაა და CFTC არ ახდენს Coinbase-ის რეგულირებას.
შეგახსენბთ, რომ Coinbase საფონდო ბირჟა Nasdaq-ზე პირდაპირი ლისტინგისთვის ემზადება. წინასწარი შეფასებით კრიპტოვალუტის პლატფორმის ღირებულებად 943 მილიონი დოლარი დასახელდა. Nasdaq-ზე Coinbase-ის 115 მილიონი აქცია იქნება განთავსებული.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)