Coinbase-ის ყოფილმა ტოპ მენეჯერმა კრიპტოვალუტის პერსპექტივებზე ისაუბრა
by Giorgi 
Coinbase-ის ყოფილმა ტოპ მენეჯერმა კრიპტოვალუტის პერსპექტივებზე ისაუბრა
კრიპტო ბირჟა Coinbase-ის ყოფილმა ტექნიკურმა დირექტორმა ბალაჟი სრინივასანმა (Balaji Srinivasan) დაასახელა სამი კრიპტოვალუტა, რომლებიც ბანკების, მთავრობებისა და პოლიტიკური რეჟიმების მიმართ საზოგადოების ნდობის შემცირების ფონზე, შესაძლოა „იდეოლოგიურ სარეზერვო სისტემებად“ იქცნენ.
Network State Podcast-ში სტუმრობისას, ბიზნესმენმა კრიპტოვალუტების პერსპექტივებზე ისაუბრა. მისი აზრით, კრიპტო აქტივები სიცოცხლისუნარიანობას მაშინაც კი შეინარჩუნებენ, როდესაც ბანკები და ტრადიციული ფინანსური კომპანიები სირთულეების წინაშე აღმოჩნდებიან ან გაკოტრდებიან. Coinbase-ის ყოფილმა აღმასრულებელმა დირექტორმა განმარტა, რომ ციფრული სისტემები მხოლოდ ინტერნეტით აღარ შემოიფარგლება – სულ უფრო მეტი ბლოკჩეინ სტარტაპი ვირტუალური სამყაროდან რეალურ სამყაროში ინაცვლებს, ხსნის სასწავლო კამპუსებსა და ოფისებს სპეციალურ ეკონომიკურ ზონებში. სრინივასანმა კრიპტოვალუტები ელექტრონული კომერციის მსგავს ციფრულ სერვისებს შეადარა, რომელმაც ადამიანების ყოველდღიური ცხოვრება მნიშვნელოვნად შეცვალა.
„კრიპტოვალუტის პოპულარობის ზრდა საზოგადოების მხრიდან ბანკებისა და პოლიტიკური სისტემების მიმართ ნდობის დაკარგვას ასახავს. ფინანსური აქტივების ტრანზაქციების მეთვალყურეობა ფართოვდება. ციფრული აქტივები ამ სიტუაციიდან გამოსავალს გვთავაზობს.“- განაცხადა ბიზნესმენმა.
მისი აზრით, გამოსავალი სამ კრიპტოპროექტს უკავშირდება : ბიტკოინის შემქმნელებმა კაცობრიობას დეცენტრალიზებული ფული მისცეს, ეთერიუმმა ჭკვიანი კონტრაქტების საშუალებით პროგრამირება დაამატა, ხოლო ანონიმურ კრიპტოვალუტა Zcash-ს კონფიდენციალურობის პრობლემის გადაჭრა შეუძლია.
„ბლოკჩეინის ინფრასტრუქტურა შეუმჩნევლად განვითარდა. მასშტაბირებადი სმარტ კონტრაქტები ახლა უწყვეტად ფუნქციონირებს, ისევე როგორც დეცენტრალიზებული ბირჟები. სტეიბლკოინები ფართოდ გამოიყენება გადარიცხვებისა და გადახდებისთვის. ბევრ განვითარებად ქვეყანაში კრიპტოვალუტა აღარ არის ექსპერიმენტი და ადამიანები თავიანთ დანაზოგს ბიტკოინში ინახავენ.“ – თქვა სრინივასანმა.
ცოტა ხნის წინ სრინივასანმა დონალდ ტრამპის ოჯახის TRUMP-ისა და MELANIA-ს მონეტების გარშემო ატეხილი აჟიოტაჟი გააკრიტიკა და მას ლატარია უწოდა, სადაც ბილეთის მყიდველები არაფერს იგებენ, პირიქით, ფულს კარგავენ.
წყარო: https://www.bitget.com/amp/news/detail/12560605163498
სიახლეების გამოწერა
