CoinMarketCap 3 მილიონი მომხმარებლის ელ.ფოსტის გაჟონვას ადასტურებს

CoinMarketCap 3 მილიონი მომხმარებლის ელ.ფოსტის გაჟონვას ადასტურებს

კრიპტოვალუტის ბაზრის შესახებ პოპულარულმა საინფორმაციო წყარომ ვერ აღმოფხვრა ხარვეზი და ვერ შეძლო დაედგინა, თუ როგორ მიიღეს ჰაკერებმა წვდომა მომხმარებელთა მონაცემებზე.

საიტის Have I Been Pwned მონაცემების თანახმად, 12 ოქტომბერს CoinMarketCap-ის მომხმარებელთა დაახლოებით
3,117,548 ელექტრონული ფოსტის მისამართის გაჟონვა მოხდა. საიტის ადმინისტრაციამ  მომხმარებლების მონაცემების
გაჟონვა მანამდე ვერ შეამჩნია, სანამ ელ.ფოსტის მისამართები ჰაკერების რამდენიმე პოპულარულ ფორუმზე გასაყიდად განთავსებული არ აღმოაჩინა.

CoinMarketCap– მა  მონაცემთა გაჟონვა დაადასტურა და განმარტა, რომ მომხმარებლთა ელ.ფოსტის პაროლების გატეხვა არ მომხდარა.

„CoinMarketCap-მა შეიტყო, რომ ინტერნეტში გამოჩნდა მონაცემთა პაკეტები, რომლებიც სავარაუდოდ  მომხმარებლის ანგარიშების სიას წარმოადგენს. მონაცემები, რომლებიც ჩვენ ვნახეთ, არის მხოლოდ ელექტრონული ფოსტის მისამართები პაროლების გარეშე.“

ის ფაქტი, რომ ჰაკერებმა ელ.ფოსტის პაროლები ვერ მოიპოვეს, გარკვეულწილად გამამხნევებელია და იმაზე მიანიშნებს,
რომ CoinMarketCap-ზე თავდასხმა, სავარაუდოდ,  სერიოზულ სისტემურ ხარვეზთან ან პროფესიონალ ჰაკერების
მოქმედებასთან არ იყო დაკავშირებული.

თუმცა, მონაცემთა გაჟონვამ მომხმარებლების კონფიდენციალურობა დაარღვია. ჰაკერებს საიტის მომხმარებლებზე
კიბერშეტევების განხორციელება, მათ შორის ფიშინგ ელ.წერილების გაგზავნა შეუძლიათ. CoinMarketCap-ის
სპეციალისტებმა ვერ დაადგინეს კონკრეტულად რომელ ნაწილში გატყდა სისტემა, თუმცა მათი ვარაუდით მონაცემთა
გაჟონვა საიტის სერვერებიდან არ მომხდარა.

„ჩვენ ვერ აღმოვაჩინეთ რაიმე მტკიცებულება ჩვენი სერვერებიდან მონაცემთა გაჟონვის შესახებ და ამ საკითხს აქტიურად ვიკვლევთ. ჩვენს მომხმარებლებს გამოძიებაზე ახალ ფაქტებს მაშინვე ვაცნობებთ, როგორც კი ასეთი ინფორმაცია გვექნება.“

ცოტა ხნის წინ ჰაკერებმა გასაყიდად თურქული კრიპტო ბირჟა BtcTurk-ის 500.000 მეტი მომხმარებლის მისამართი განათავსეს. პლატფორმამ მონაცემების გაჟონვა დაადასტურა, მაგრამ ირწმუნება, რომ კლიენტების აქტივებს საფრთხე არ ემუქრებათ. აპრილში კი მომხმარებლების პერსონალური მონაცემების გაჟონვა აუთსორსინგის კომპანიის მეშვეობით კრიპტო პლატფორმამ Celsius Network გამოავლინა. ზოგიერთმა მომხმარებელმა მიიღო ელ.წერილი ფიშინგ საიტების ბმულებით.

წყარო: https://bits.media

CoinMarketCap 3 მილიონი მომხმარებლის ელ.ფოსტის გაჟონვას ადასტურებს

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას