კრიპტო ინოვაციებმა სისტემის სტაბილურობა არ უნდა შეარყიონ გარი გენსლერი

„კრიპტო ინოვაციებმა სისტემის სტაბილურობა არ უნდა შეარყიონ“- გარი გენსლერი
SEC-ის თავმჯდომარემ კრიპტოვალუტები უაღრესად სპეკულაციური აქტივების კლასად მოიხსენია და თქვა, რომ უმეტეს შემთხვევაში მათ შიდა ღირებულება არ გააჩნიათ.
გამომცემლობა Washington Post-თან ინტერვიუში გარი გენსლერმა (Gary Gensler) განაცხადა, რომ კრიპტოვალუტების ფასი მკვეთრი ზრდის მსგავსად შეიძლება მკვეთრად დაეცეს.
აშშ -ს ფასიანი ქაღალდების კომისიის (SEC) თავმჯდომარემ დაამატა, რომ კრიპტოვალუტის სფეროში ინოვაციისთვის მნიშვნელოვანია არ შეირყეს სისტემის სტაბილურობა.

„ვფიქრობ, რომ უმჯობესია კრიპტოვალუტები სახელმწიფო პოლიტიკის ფარგლებში ჩავრთოთ და ამ პოლიტიკის ფარგლებში ინოვაციებისთვის მნიშვნელოვანი მიზნების მიღწევა უზრუნველვყოთ.“- თქვა მან

გენსლერმა ასევე აღნიშნა, რომ კრიპტოვალუტები აქტივების უაღრესად სპეკულაციურ კლასს წარმოადგენენ და მათ უმეტესობას ხშირად არანაირი შიდა ღირებულება არ გააჩნია. რაც შეეხება ფასიან ქაღალდებთან დაკავშირებულ საკითხს, გენსლერის განცხადებით SEC-ს მნიშვნელოვანი უფლებამოსილებები გააჩნია, როცა საქმე საინვესტიციო კონტრაქტის მახასიათებლების მქონე კრიპტოაქტივებს ეხება.

„საკრედიტო პლატფორმებს განკარგულებაში ათასობით კრიპტოაქტივი აქვთ და შესაძლოა ამ პლატფორმებზე იყოს საინვესტიციო კონტრაქტები, მოკლევადიანი ფასიანი ქაღალდები ან სხვა აქტივები, რომლებიც ფასიანი ქაღალდების განსაზღვრებას შეესაბამება.“- განაცხადა SEC-ის თავმჯდომარემ.

მან დასძინა, რომ საკრედიტო და სავაჭრო პლატფორმები შესაძლოა პრობლემებს წააწყდნენ. გენსლერის თქმით, წარსულში შეერთებულმა შტატებმა უკვე ჩაატარეს ექსპერიმენტები ფულის კერძო ფორმებზე და მაგალითად 1860-ანი წლების საბანკო ოპერაციების ხანა მოიყვანა. იმ დროს ბანკები ერთმანეთს სხვადასხვა ბანკნოტების გამოშვებით ეჯიბრებოდნენ.

„ყველაფერი ეს მაღალ ხარჯებთან და ბევრ სხვა პრობლემებთან არის დაკავშირებული” – დაამატა მან. „მე ვერ ვხედავ ხუთი ან ექვსი ათასი სახის კერძო ფულის ხანგრძლივ სიცოცხლისუნარიანობას.“

გასულ კვირას გენსლერმა გააფრთხილა კრიპტობირჟები, რომელთა ლისტინგშიც ფასიანი ქაღალდების ფორმით წარმოდგენილი კრიპტოაქტივებია, რომ სავალდებულოა მარეგულირებელთან რეგისტრაცია გაიარონ.

კრიპტოაქტივების რეგულირების მოთხოვნით ბაზრის ზოგიერთი მონაწილეც გამოდის. მიმდინარე კვირას SEC-ის თავმჯდომარეს წერილობით აშშ-ს ინვესტორთა ადვოკატირების ჯგუფმა მიმართა. მათ წერილში კრიპტოვალუტის ინდუსტრია „ველურ დასავლეთად“ მოიხსენიეს და რეგულირების გამკაცრება მოითხოვეს.

წყარო: https://bits.media

კრიპტო ინოვაციებმა სისტემის სტაბილურობა არ უნდა შეარყიონ გარი გენსლერი