ჰაკერები განაგრძობენ ლიკვიდაციის პროცესში მყოფი, Cryptopia-ს დახურული ბირჟიდან კრიპტოაქტივების მითვისებას. ე.წ „ცივი საფულიდან“ 45000$-ის ღირებულების XSN მონეტებია მოპარული.
2019 წლის იანვარში ჰაკერებმა Cryptopia-ზე შეტევა განახორციელეს, შედეგად მათ 16 მილიონი დოლარის კრიპტოაქტივების მოპარვა მოახერხეს. გასულ წელს კომპანია Grant Thornton-ის მისამართით, რომელიც Cryptopia-ს ბირჟის ლიკვიდაციაზე მუშაობდა, დაზარალებული მომხმარებლებისგან ზარალის ანაზღაურების მოთხოვნები წამოვიდა.
მიუხედავად იმისა, რომ პლატფორმა აღარ მუშაობს, უცნობი პირები მაინც ახერხებენ ბირჟიდან აქტივების გატანას. ადგილობრივი მედიის ცნობით, ამერიკულ კომპანია Stakenet-ს, რომელიც Cryptopia-ს კრედიტორი იყო, 1 თებერვალს მიუვიდა შეტყობინება, რომ მისი ცივი საფულიდან 45000$-ის ღირებულების XSN მონეტები იქნა გატანილი.
Stakenet 2019 წლის შეტევის შედეგად ზარალი არ განუცდია, ამიტომ ფირმის ხელმძღვანელობა აქტივების დაბრუნებას იმედოვნებს. საფულე 1.97 მილიონი დოლარის კრიპტოაქტივებს ინახავდა. Cryptopia-ს გატეხვის შემდეგ მისი გამოყენება არ მომხდარა. Grant Thornton-მა განაცხადა, რომ ტრანზაქცია არ იყო ავტორიზირებული და რომ მომხდარის გამოძიება დაწყებულია. Stakenet-მა თავის მხრივ Grant Thornton-ს პასუხი მოსთხოვა, თუ რატომ ვერ დაიცვა კომპანიამ მომხმარებლების კუთვნილება და როგორ დაუშვა არასანქცირებული ტრანზაქციების განხორციელება.
Crypto Wisser-ის თანახმად, 2020 წლის დასაწყისიდან დღემდე გაუქმდა 75 კრიპტოვალუტის პლატფორმა. მიზეზებს შორის არის შიდა პრობლემები, ჰაკერების იერიშები და დამაარსებლების მხრიდან თაღლითობის შემთხვევებიც კი.
წყარო: https://horoshienovosti.com.ua/?cat=594
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)