CryptoQuant-ის ანალიტიკოსებმა ბიტკოინის ვარდნა USDT-ის კაპიტალიზაციის შემცირებას დაუკავშირეს

CryptoQuant-ის ანალიტიკოსების ცნობით, ბაზარზე ამერიკული კომპანია Tether-ის სტეიბლკოინის, USDT-ის ლიკვიდურობის ისტორიაში ერთ-ერთი ყველაზე მკვეთრი შემცირება შეინიშნება. ბოლო 60 დღის განმავლობაში USDT-ის კაპიტალიზაცია დაახლოებით 4 მილიარდი დოლარით შემცირდა.

თუმცა, ანალიტიკოსების ვარაუდით, ეს შესაძლოა იმის კარგი ნიშანი იყოს, რომ კრიპტობაზარზე გაყიდვების ზეწოლა სუსტდება და ის მალე „ხარის“ (ზრდის) ციკლის ფაზაში შევა.

შემცირების ტემპი იზრდება: ბოლო 11 დღეში USDT-ის მიწოდების მოცულობა თითქმის 870 მილიონი დოლარით შემცირდა. CryptoQuant-ში ხაზგასმით აღნიშნავენ, რომ მიმდინარე დინამიკა ინვესტორების მხოლოდ ადრეული გადაწყვეტილებების ექო კი არ არის, არამედ აქტიურად განვითარებადი ტენდენციაა.

ანალიტიკოსებმა დაინახეს კავშირი USDT-ის კაპიტალიზაციის ვარდნასა და ბიტკოინის ფასის შემცირებას შორის. CryptoQuant-ში განმარტეს: სტეიბლკოინები კრიპტობაზარზე ლიკვიდური სახსრების საკვანძო წყაროა, რის გამოც კაპიტალიზაციის შემცირების ტენდენციამ შესაძლოა სერიოზული გავლენა იქონიოს მთლიან ბაზარზე. USDT-ის მიწოდების შემცირება კრიპტობაზრიდან ფულის გამოსვლის ტოლფასია. თუ ინვესტორები მასობრივად უბრუნებენ USDT-ს ემიტენტს დოლარის სანაცვლოდ, ბრუნვაში არსებული USDT-ის მოცულობა მცირდება, ისევე როგორც მოთხოვნა ბიტკოინზე:

CryptoQuant-ში აცხადებენ: ბიტკოინის ფასის აღდგენის სუსტი მცდელობები სწორედ სტეიბლკოინების ლიკვიდურობის ნაკლებობით აიხსნება –  ამიტომაც ვერ ხერხდება სპოტ-ბაზარზე სტაბილური მოთხოვნის ფორმირება. საინვესტიციო სპეციალისტების დასკვნით, ასეთი ორმოდან გამოსასვლელად საჭიროა, რომ USDT-ის კაპიტალიზაციამ ორი თვის განმავლობაში სტაბილური ზრდა დაიწყოს.

ბრიტანული კომპანია Wintermute-ის ანალიტიკოსების აზრით, კრიპტობაზარი „დათვური“ (ვარდნის) ფაზის დასრულების ნიშნებს ავლენს. ექსპერტები აღნიშნავენ, რომ მსხვილმა კრიპტოვალუტებმა სტაბილურობის შენარჩუნება ეკონომიკური რყევების ფონზე შეძლეს (მაგალითად, აშშ-ში საკრედიტო განაკვეთის უცვლელად დატოვება) რაც პოზიტიური სიგნალია.