„კასპერსკის ლაბორატორიის“ ცნობით, თაღლითები Discord-ის მომხმარებლების კრიპტოვალუტის ყალბ ბირჟებზე შემოტყუებას და შემდგომში დარკნეტში გაყიდვის მიზნით, მათი მონაცემების შეგროვებას ცდილობენ.
კიბერუსაფრთხოების შესახებ კომპანიის ბლოგში განთავსებულ სტატიაში ნათქვამია, რომ თაღლითებს მიზანში გეიმერებში პოპულარული ჩატ-პლატფორმა Discord ყავთ ამოღებული. ისინი მომხმარებლებს კრიპტოვალუტის ყალბ ბირჟაზე რეგისტრაციის სანაცვლოდ უფასო ბიტკოინებს და ეთერიუმს სთავაზობენ.
თაღლითები Crypto Discord Servers-ის მომხმარებლებს შეტყობინებებს უგზავნიან ახალი ბირჟის სახელით, რომელიც „იღბლიან მომხმარებლებს“ კრიპტოაქტივებს უფასოდ ურიგებს. პოტენციურ მსხვერპლს ბირჟაზე რეგისტრაციის გავლას სთავაზობენ – საკუთარი პერსონალური მონაცემების გაზიარებით. ასევე, ან ბიტკოინში მცირე დეპოტიზის შეტანას, ან KYC-ის მსგავსი ვერიფიკაციის პროცესის გავლას.
როდესაც მსხვერპლი ცდილობს უფასო კრიპტოვალუტა გამოითხოვოს, მას სთხოვენ შეავსოს ანგარიში გარკვეული თანხით, მაგალითად 0.02 ბიტკოინით ან ექვივალენტით ეთერიუმში ან აშშ დოლარში. ამის შემდეგ, მომხმარებელს ანგარიშზე თითქოსდა ერიცხება უფასო კრიპტოვალუტა, მაგრამ მისი გატანა პლატფორმიდან არ შეუძლია, ისევე როგორც მანამდე შეტანილი ფულის.
„კასპერსკის ლაბორატორიის“ ანალიტიკოსების თქმით, ბირჟა რომელიც მუდმივად იცვლის სახელს (ერთ-ერთი მისი სახელწოდებაა – withEREUM), საკმაოდ სოლიდურად გამოიყურება და მომხმარებელი შეცდომაში შეჰყავს ნამდვილი ბირჟებისთვის დამახასიათებელი ინსტრუმენტების გამოყენების ხარჯზე, როგორიცაა მაგალითად ორფაქტორიანი აუთენტიფიკაცია.
მოხსენების თანახმად, მომხმარებლების კრიპტოვალუტის მითვისების გარდა, თაღლითებს შეუძლიათ მათი პირადი მონაცემებიც შეაგროვონ, რათა შემდეგ დარკნეტში გაყიდონ.
შეგახსენებთ, რომ გასული წლის ბოლოს „კასპერსკის ლაბორატორიის“ კიბერუსაფრთხოების სპეციალისტებმა, 2021 წელს COVID-19 ისგან დაზარალებული მსოფლიო ეკონომიკის ფონზე, კრიპტოვალუტასთან დაკავშირებული დანაშაულებების რიცხვის გაზრდის პროგნოზი გააკეთეს.
„კასპერსკის ლაბორატორიამ“ Discord-ის პლატფორმის მომხმარებლები კრიპტოვალუტური თაღლითობის შესახებ გააფრთხილა
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)