DeFi-ს სრული დეცენტრალიაზაცია ილუზიაა

DeFi-ს სრული დეცენტრალიაზაცია ილუზიაა

საერთაშორისო ანგარიშსწორების ბანკმა (BIS)  DeFi-ს ფინანსური სისტემისთვის პოტენციური საფრთხე უწოდა და მოუწოდა მთავრობებს, სექტორის დასარეგულირებლად კანონმდებლობა რაც შეიძლება მალე შეიმუშავონ. 

 BIS ანგარიშში ნათქვამია, რომ „DeFi-ის სრული დეცენტრალიზაცია ილუზიაა”. მმართველობის ტოკენები, რომლებიც მფლობელს დეცენტრალიზებულ სისტემებში ხმის მიცემის უფლებას აძლევს,  ამ ილუზიას ამსხვრევს.

ასეთი ტოკენების მფლობელებს DeFi პროექტებზე ზეგავლენის მოხდენა შეუძლიათ, რაც კენჭისყრის გზით  შეთავაზებებზე ან მართვის სისტემაში შესატან ცვლილებებზე გადაწყვეტილების მიღებით გამოიხატება.

ამასთან,  მმართველ ორგანოებს, დეცენტრალიზებულ ავტონომიურ ორგანიზაციებს (DAO), რამდენიმე DeFi პროექტის კონტროლი შეუძლიათ.

„ცენტრალიზაციის მოცემული ელემენტი DeFi პლატფორმების იურიდიულ პირებად აღიარების საფუძველი შეიძლება გახდეს, მსგავსად კორპორაციებისა.

მაგალითად, DAO-ები შეიძლება დარეგისტრირდნენ როგორც შეზღუდული პასუხისმგებლობის კომპანიები, როგორც ვაიომინგის შტატში“- ნათქვამია მოხსენებაში.

BIS-ის განცხადებით, DeFi ცენტრალიზებულ მართვას საჭიროებს . მოხსენებაში აღნიშნულია, რომ „DeFi-ის მმართველობითი სტრუქტურები სახელმწიფო პოლიტიკის  ბუნებრივ ამოსავალ წერტილს წარმოადგენენ“.

სექტორის სწრაფი ზრდის გათვალისწინებით, BIS მთავრობებს რეკომენდაციას უწევს სექტორის დასარეგულირებლად  კანონმდებლობა რაც შეიძლება მალე შეიმუშაონ.

ანგარიშის ავტორებს DeFi „თვითკმარ“ სექტორად მიაჩნიათ და ფიქრობენ, რომ მისი ფინანსური სისტემის ჩამოშლის პოტენციალი დაბალია. თუმცა, DeFi-ს ფართოდ გავრცელების შემთხვევაში, ზოგიერთმა სერიოზულმა ხარვეზმა შეიძლება მისი ფინანსური სტაბილურობა შეარყიოს.

ეს მოწყვლადობა შეიძლება  შუამავლების გარეშე დაკრედიტების პროგრამების ან სტეიბლკოინების ლიკვიდობის პრობლემების შედეგად წარმოიშვას.

ივნისში, ბაზელის საბანკო ზედამხედველობის კომიტეტმა კრიპტოაქტივების რეგულირებაზე საჯარო კონსულტაციის ჩატარების შესახებ გამოაცხადა. ოქტომბრის დასაწყისში, კომიტეტმა სტეიბლკოინების ტრანზაქციების  ფიატური ვალუტით გადახდების მსგავსად რეგულირების მოწოდება გააჟღერა.

ოქტომბრის ბოლოს კი, BIS-მა სახელმწიფოებს ეკონომიკური პრობლემების გადასაჭრელად სტეიბლკოინების ნაცვლად  ნაკლებად სარისკო ფინანსური ტექნოლოგიების არჩევისკენ მოუწოდა. 

წყარო: https://bits.media/